Ўзбекистон миллий терма жамоасининг Японияга қарши ўртоқлик ўйини қолдирилди. Бу ҳақда ЎФА матбуот хизмати хабар берди.
Қайд этилишича, коронавирус сабаб Японияда карантин қоидалари кучайтирилган. Шу сабабли Япония футбол ассоциацияси ўйинни бекор қилишга мажбур бўлган. Учрашув 21 январда ўтиши режалаштирилганди.
Маълумки, дунёнинг кўплаб мамлакатларида коронавируснинг ‘омикрон’ штаммига қарши курашиш бўйича чора-тадбирлар амалга ошириляпти. Хусусан, айни кунларда Японияда ҳам карантин чоралари кучайтирилмоқда. Шу сабабли ҳукумат тавсиясига кўра, Япония футбол ассоциацияси 21 январь куни Ўзбекистон миллий терма жамоасига қарши бўлиб ўтиши режалаштирилган ўртоқлик учрашувини бекор қилишга мажбур бўлди.Хабарда айтилишича, ЎФА мутахассислари ва терма жамоа мураббийлар штаби ҳозирда ушбу санада бошқа рақиб билан ўртоқлик учрашуви ўтказиш борасида иш олиб бормоқда.ЎФА баёноти
Эслатиб ўтамиз, Ўзбекистон миллий терма жамоаси сентябрь ойида Швецияга қарши ўртоқлик ўйини ўтказиб, 1:2 ҳисобида мағлуб бўлганди. Октябрь ойидаги ўртоқлик учрашувларида Малайзия (5:1) устидан ғалаба қозониб, Иорданияга қарши ўйинда (0:3) енгилди. Ноябрь ойида эса Грузияга кичик ҳисобда (0:1) мағлуб бўлди.
Изоҳ (0)