Бош прокуратура матбуот котиби Ҳаёт Шамсутдинов ижтимоий тармоқларда Ургут тумани «Деҳқонобод» деҳқон бозорида қотиллик содир этилгани юзасидан тарқалган хабарларга муносабат билдирди.
Маълум қилинишича, 2021 йил 31 декабрь куни Ургут туманида жойлашган «Деҳқонобод деҳқон бозори» яқинида 1992 йилда туғилган фуқаро Б.Х. қўшнисини олдиндан ўрталарида бўлган келишмовчилик сабабли қўлида бўлган темир болта билан унинг бош ва бўйин соҳасига икки маротаба уриб, қасддан ўлдиришга суиқасд қилган.
Шифокорлар томонидан кўрсатилган зарур тиббий ёрдамга қарамасдан, жабрланувчи 3 январь куни вафот этган.
Мазкур ҳолат юзасидан Ургут тумани прокуратураси томонидан Жиноят кодексининг 25 (жиноятга тайёргарлик кўриш ва жиноят содир этишга суиқасд қилиш), 97-моддаси (қасддан одам ўлдириш) 1-қисми билан жиноят иши қўзғатилган.
Гумонланувчи процессуал тартибда ушланган.
Аввалроқ Самарқандда 3 млн сўм иш ҳақини бермаган маҳалладошини пичоқлаб ўлдирган шахс 13,5 йилга қамалгани, Қашқадарёдаги чойхонада маст эркак ҳамқишлоғини пичоқлаб ўлдиргани тўғрисида хабар берилганди.
Изоҳ (0)