«Коммерсантъ» нашрининг хабар беришича, АҚШнинг Европа давлатларида ҳарбий иштироки фақат Украина атрофида вазият кескинлашган тақдирдагина ортади. Пентагон матбуот котиби Жон Кирбининг сўзларига кўра, ҳозирча ҳарбийлар сонини ошириш ҳақида гап йўқ.
Брифинг давомида Кирби минтақага ҳарбийлар фақат иккита шароитда юборилишини айтди: Украинадаги вазият кескинлашганда ҳамда АҚШнинг НАТО бўйича иттифоқчиларидан ёрдам учун тегишли сўров келиб тушганда.
«Ҳозирча ушбу икки кутилмаган вазиятнинг ҳеч бири содир бўлмади», — деди Пентагон вакили.
АҚШ Россия Украинага бостириб кирса, НАТОнинг шарқий қанотига қўшин жўнатишини маълум қилганди. Британия Мудофаа вазирлиги Россиядан ҳимоя қилиш учун Украинага қўшин юборилишини эҳтимолдан йироқ деб атаган. Россия президенти Владимир Путин АҚШ ва НАТО ҳарбий гуруҳларининг Россия чегаралари яқинида жойлаштирилишидан жиддий хавотирда эканини айтган.
Аввалроқ Пентагон АҚШ ҳарбий кучларининг дунёдаги жойлашув тартибида жиддий ўзгариш қилинмаслигини маълум қилганди.
Изоҳ (0)