Эронда шиддатли ёмғирлар йирик сув тошқинларини келтириб чиқарди. Табиий офат камида саккиз кишининг ҳаётига зомин бўлди, деб ёзмоқда The Watchers нашри.
«Ҳозиргача саккиз киши ҳалок бўлди, икки киши бедарак йўқолган», — деган Эрон миллий қутқарув хизмати вакили Можтаба Холидий.
Қайд этилишича, ёғингарчиликлар қишлоқ хўжалигига, инфратузилмага зарар етказган, шаҳар ва қишлоқлардаги уйларни сув босган. Холидийнинг қўшимча қилишича, 500 дан ортиқ қутқарув гуруҳи жабрланган ҳудудлардаги одамларга ёрдам бермоқда.
Эрон Қизил ярим ой жамияти уч мингдан ортиқ одамни шошилинч бошпана билан таъминлаган, 20 мингдан ортиқ киши шошилинч ёрдам олган. Ёмғир шу ҳафта охиригача давом этиши кутилмоқда.
Кучли ёмғир Уммон, Бирлашган Араб Амирликлари, Саудия Арабистони, Кувайт, Покистон ва Афғонистонга ҳам таъсир кўрсатган. Мисол учун, Уммон пойтахти Маскатда бир неча соат ичида 110 мм ёмғир ёғган, бу икки ойлик ёғингарчилик даражасига тўғри келади.
Изоҳ (0)