2022 йил 9 январдан бошлаб ҳар ҳафтанинг якшанба кунлари Самарқанд—Тошкент—Самарқанд йўналишида 767/768 сонли «Афросиёб» замонавий поездлари қатнови йўлга қўйилади. Бу ҳақда «Ўзтемирйўлйўловчи» матбуот хизмати хабар берди.
Таъкидланишича, бу йўловчиларга янада кўпроқ қулайлик ҳамда ички туризмни ривожлантиришда қўшимча имкониятлар яратиш мақсадида «Ўзбекистон темир йўллари» томонидан амалга оширилмоқда.
Ҳаракат жадвалига кўра, 767-сонли «Афросиёб» замонавий поезди якшанба кунлари соат 10:50 да Самарқанд—Тошкент йўналишида, 768-сонли «Афросиёб» поезди эса шу куни соат 13:40 да Тошкент—Самарқанд йўналишида қатновини амалга оширади.
Қайд этилишича, шу боис амалдаги «Афросиёб» замонавий поездларининг ҳаракат жадвалига ўзгартириш киритилади. Унга кўра бугунги кунда соат 08:30 да Тошкент—Самарқанд йўналишида ҳаракатини амалга ошираётган 764-сонли «Афросиёб» замонавий поезди 2022 йил 9 январдан бошлаб соат 07:00 да Тошкент марказий темир йўл вокзалидан қатновини амалга оширади.
Ҳар куни соат 17:06 да Самарқанд—Тошкент йўналишида қатновини амалга ошираётган 763-сонли «Афросиёб» замонавий поезди эса ушбу санадан бошлаб соат 16:40 да Самарқанд темир йўл вокзалидан қатновини амалга оширади.
Бугунги кунда соат 09:02 да Тошкент—Бухоро йўналишида қатновини амалга ошираётган 770-сонли «Афросиёб» замонавий поезди 2022 йил 9 январдан бошлаб, соат 08:30 да Тошкент марказий темир йўл вокзалидан ҳаракатини бошлайди. Соат 15:02 да Бухоро—Тошкент йўналишида қатновини амалга ошираётган 769-сонли «Афросиёб» замонавий поезди эса ушбу санадан бошлаб, соат 15:27 да Бухоро темир йўл вокзалидан ҳаракатланади.
Шунингдек, соат 15:50 да Бухоро—Тошкент йўналишида ҳаракатини бошлайдиган 761-сонли «Афросиёб» поезди мазкур санадан бошлаб, соат 15:52 да Бухоро темир йўл вокзалидан қатновини амалга оширади. Соат 04:55 да Бухоро—Тошкент йўналишида қатновини амалга ошираётган 765-сонли «Афросиёб» поезди 9 январдан бошлаб, соат 04:31 да Бухоро темир йўл вокзалидан ҳаракатини бошлайди.
Амалдаги бошқа «Афросиёб» замонавий поездлари ўз ҳаракат жадвали бўйича ҳаракатланади.
Бундан ташқари, 9 январдан бошлаб:
- 3-сонли Қарши—Тошкент,
- 10-сонли Тошкент—Бухоро,
- 11-сонли Бухоро—Тошкент,
- 655-сонли Хива—Андижон,
- 657-сонли Нукус—Андижон,
- 6414-сонли Тошкент —Гулистон,
- 662-сонли Тошкент—Урганч,
- 58-сонли Тошкент—Шовот,
- 60-сонли Тошкент—Андижон,
- 153-сонли Нукус—Тошкент,
- 72-сонли Тошкент—Олот,
- 394-сонли Андижон—Хива,
- 155-сонли Шовот—Тошкент,
- 392-сонли Андижон—Бухоро йўналишларидаги йўловчи поездларнинг ҳаракат жадвалида ҳам ўзгариш бўлади.
Изоҳ (0)