Печда пиширилмай тайёрланадиган Шарлотта торти рецепти

Байрам дастурхони учун айни муддао бўлган яна бир ширинлик рецепти билан танишинг.

Керакли маҳсулотлар:

• тайёр бисквитли рулет – 400 грамм;
• пластинкали желатин – 8 дона;
• йогурт – 300 грамм;
• шакар упаси – 100 грамм;
• лимон шарбати – 1 чой қошиқ;
• резаворлар – 250 грамм;
• қаймоқ – 500 грамм.

1. Рулет бир хил шаклда кесиб олинади. Думалоқ идишга плёнка солиниб, рулет бўлаклари териб чиқилади.
2. Желатин совуқ сувда 10-15 дақиқага бўктирилади. Йогурт шакар упаси ва лимон шарбати билан аралаштирилади.
3. Желатин сувдан олиниб, буғда эритилади ва 2-3 ош қошиқ йогурт билан аралаштирилади.
4. Қолган йогурт, резаворлар ҳам желатин билан аралаштирилади.
5. Қаймоқ миксер ёрдамида кўпиртирилади.
6. Крем ва йогурт аста-секин аралаштирилади. Тайёр бўлган масса рулет устидан қуйилади ва яна рулетнинг қолган қисми териб чиқилади.
7. Тортнинг устки қисми плёнка билан ёпилиб, 4-5 соатга музлаткичга қўйилади.
8. Тортни дастурхонга тортишдан аввал думалоқ идиш эҳтиёткорлик билан айлантириб қўйилади. Шундагина тортнинг шакли чиройли чиқади.