«Ҳудудий электр тармоқлари» АЖ байрам кунлари электр узилмаслиги учун электр энергияси учун қарзларни тўлашга чақирди.
«Ҳудудий электр тармоқлари» АЖ барча электр энергияси истеъмолчиларини яқинлашиб келаётган Янги йил билан табриклаган ҳолда, байрам кунлари қарздорлик туфайли хонадонингизда электр энергияси таъминотида узилишлар бўлишининг олдини олиш мақсадида фойдаланилган электр энергияси учун мамлакатимизда мавжуд тўлов тизимлари (U-Pay, Click, Payme, Paynet) ҳамда банкларнинг мобил иловалари орқали уйдан чиқмасдан туриб тўловларни амалга оширишлари мумкинлигини яна бир бор эслатиб ўтмоқда.
Таъкидланишича, республикада электр энергиясини ҳисобга олиш ва назорат қилишнинг автоматлаштирилган тизими (ASKUE)нинг жорий этилиши муносабати билан қарздорлар автоматик тарзда тармоқдан узилади.
Аввалроқ Ўзбекистонда 2022 йилда электр энергияси ва табиий газ нархлари оширилиши мумкинлиги, Ўзбекистонда электр энергияси ишлаб чиқариш ҳажми 2020 йилга нисбатан ошгани тўғрисида хабар берилганди.
Изоҳ (0)