Албатта, ҳар бир одам томоқ оғриғига дуч келади, такрорий томоқ оғриғи ва тез-тез шамоллашни шунчаки иммунитет тизимининг заифлашиши натижаси деб ўйлаши мумкин. Аммо бу зарарсиз кўринадиган аломат жиддий муаммоларни келтириб чиқариши мумкин.
Бодомчасимон без иммунитет тизимининг ажралмас қисмидир. Унинг асосий вазифаси организмга потоген бактерия ва вируслар киришидан ҳимоя қилишдир.Сурункали тонзиллит — бу бодомчасимон безларда узоқ давом этадиган инфексион яллиғланиш жараёни.
Келтириб чиқарувчи омиллар:
- ўткир респиратор вирусли ва бактерияли инфекциялар;
- тишларда кариес;
- оғиз бўшлиғи касалликлари;
- иммунитет тизимининг пасайиши.
- томоқ ва танглай орқа қисмининг қизариши;
- бодамчасимон безларнинг катталашиши;
- бодомчасимон безда йирингли тиқинлар пайдо бўлиши;
- пастки жағ остидаги лимфа тугунлари катталашади ва пайпаслаганда оғриқ беради.
Асоратлари:
- ревматизм – бириктирувчи тўқмаларга зарар етказадиган тизимли яллиғланиш, кўпинча юрак клапанлари зарарланиши натижасида юрак касаллиги келиб чиқиши.
- ревматоид артирт – бўғимларнинг аутоиммун касаллиги;
- гломерулонефрит – буйрак касаллиги бўлиб, буйрак қуришига олиб келиши;
- тиреоидит – қалқонсимон без касаллиги.
Лор шифокори кузатуви ва тавсиялари асосида бажариш керак.
Дори-дармонлар билан даволаш:
- антисептиклар билан бодомчасимон безларни ювиш, томоқни чайиш;
- организимни иммун тизимини рағбатлантирувчи дори-дармонлар;
- организимни чиниқтириш, соғлом турмуш тарзи;
- сурункали тонзиллит даврида антибиотиклар қабул қилиш.
Шифокор Хуршид Аъзамхўжаев тавсиялари асосида тайёрланди.
Изоҳ (0)