Лимон нафақат турли таомларга ажойиб таъм бахш этади, балки соғлиқ учун ҳам жуда фойдали экани ҳеч кимга сир эмас. У хавфсиз тарзда супер маҳсулотлар орасидан жой олган. Шу сабабли сўнгги йилларда шифокор ва диетологлар оч қоринга лимонли сув ичишни кўпроқ тавсия қилмоқда. Қуйида ушбу ичимликнинг танага қандай таъсир қилиши ҳақида танишиб чиқиш мумкин.
Танани тозалайди
Оч қоринга лимонли сув ичиш организмдан токсинлар ва зарарли моддаларни чиқариб ташлайди. Лимон жуда нордон таъмга эга, аммо улар танага кирганда мураккаб биокимёвий реакция пайдо бўлади. Натижада кислота-ишқор мувозанати ишқорий томонга ўтади. Лимон шарбати жигарни рағбатлантиради, токсинларни фаолроқ олиб ташлайди.
Ичаклар фаолиятини яхшилайди
Ичимлик ичак фаолиятини рағбатлантиради, кун давомида овқат ҳазм қилишни осонлаштиради. Лимонли сув метаболизм ва ич қотишининг олдини олади.
Вазн ташлашга ёрдам беради
Лимонлар очликни камроқ ҳис қилишда ёрдам берувчи эрийдиган клетчатка бўлган пектинни ўз ичига олади. Лимонли сув пешоб ҳайдовчи таъсирга эга, шунинг учун уни шишдан азият чекадиганлар ичса ҳам фойдали. Бундан ташқари, чой ёки қаҳвани сут, шакар ва лимонли сувга алмаштириш шунчаки камроқ калория беради.
Яллиғланган ошқозонни тинчлантиради
Агар инсон тўқ қорин билан уйқуга кетса, жиғилдон қайнаши ёки қорин дам бўлиши билан уйғониши мумкин. Бундай ҳолда иссиқ сув билан биргаликда лимон шарбатини ичиш кислоталикни камайтиришга ёрдам беради ва калий тузлари туфайли кўнгил айнишини енгиллаштиради.
Лимонли сувни қандай ичиш керак?
Албатта, унинг жуда кўп усуллари бор, кимдир яримта лимонни бир стакан сувга сиқиб олишни тавсия қилади, кимдир бир неча тилим етарли деб ўйлайди. Шифокор-диетолог Тереза Чонгнинг «Лимон шарбатига асосланган диета» китобида энг мақбули қуйидагича:
- сувни оч қоринга ичиш керак;
- сув ўртача иссиқликда бўлиши лозим;
- шарбат миқдори тахминан 100 мл учун 1 чой қошиқни ташкил қилиши керак;
- ёки бир стакан сувга икки бўлак эзилган лимон бўлаги кифоя.
Изоҳ (0)