Ўзбекистон Эроннинг Чабаҳор портидан биргаликда фойдаланиш бўйича келишувга қўшилиш ниятида, деб хабар бермоқда Spot.
Маълум қилинишича, 15 декабрь, сешанба куни Ҳиндистон, Эрон ва Ўзбекистон вакиллари видеомузокаралар ўтказган. Қайд этилишича, Тошкент аллақачон Эрон жанубидаги порт орқали транзитни ривожлантириш ташаббусига қизиқиш билдирган.
«Эрон Ислом Республикаси Ўзбекистон ҳукуматининг Чабаҳор порти имкониятларидан фойдаланмоқчи эканини олқишлайди ва Шаҳид-Беҳешти терминали орқали савдони ривожлантиришни режалаштирмоқда», — деган Эрон порт ташкилоти раҳбари Али Акбар Сафойи.
Хабарда айтилишича, Эрон томони Ҳиндистон ва Марказий Осиё давлатлари билан ҳамкорлик туфайли Чабаҳорда фаоллик ошишини кутмоқда. Афғонистон ҳам музокараларда иштирок этмоқда.
Ҳиндистон портлар ва денгиз транспорти вазири ўринбосари Санжив Ранжаннинг қайд этишича, Чабаҳор Ҳиндистон ва Марказий Осиё минтақаси ўртасида барқарор юк ташиш хизматини таъминлайди.
Ўзбекистон Транспорт вазирлиги вакили Абдусамад Мўминов 2020 йил давомида Ўзбекистон—Ҳиндистон ўртасида товар айирбошлаш ҳажми сезиларли даражада ошганини ва портнинг минтақавий алоқаларни ривожлантиришдаги ўрнини таъкидлаган.
«Яқин кунларда Ўзбекистон делегацияси Чабаҳорга ташриф буюради», — дея қўшимча қилган Мўминов.
Таъкидланишича, сўнгги йилларда Ўзбекистонда юкларни етказиб беришнинг жанубий йўналиши ишлаб чиқилмоқда. Бу йўл билан денгиз портларига бориш бошқа йўналишларга қараганда тез ва арзонроқ. Шу мақсадда Termiz Cargo Center терминали ташкил этилди.
Таъкидланишича, сўнгги йилларда Ўзбекистонда юкларни етказиб беришнинг жанубий йўналиши ишлаб чиқилмоқда. Бу йўл билан денгиз портларига бориш бошқа йўналишларга қараганда тез ва арзонроқ. Шу мақсадда Termiz Cargo Center терминали ташкил этилди.
2021 йил ноябрь ойида Ўзбекистон Покистон орқали биринчи транзит юкларини жўнатган. Ўз навбатида Покистон Ўзбекистондан келаётган ва кетаётган юкларнинг Гвадар, Карачи ва Қосим портлари орқали транзит ўтишини осонлаштирди.
Бироқ йўналишнинг ривожланишига Афғонистондаги вазият тўсқинлик қилмоқда. Ўзбекистонлик юк ташувчиларга кўра, авваллари афғон божхоналаридан ўтиш коррупция, толиблар келганидан кейин эса инспекторларнинг касбий маҳорати йўқлиги сабабли мураккаблашган.
Мавзуга доир: «Афғонистон сўзи ҳамон тадбиркорларни қўрқитади». «Толибон» даврида Афғонистондаги ўзбек бизнеси ҳақида
Аввалроқ Ўзбекистон, Афғонистон ва Покистон ўртасида Термиз—Мозори Шариф —Кобул—Пешовар трансафғон темир йўли қурилиши лойиҳаси ҳақида хабар қилинганди. Шавкат Мирзиёев лойиҳа ҳақида фикр билдириб, «Мен буни аср лойиҳаси деб атайман», деганди. Президентнинг таъкидлашича, Эрон ва Покистон портларига йўллар очилиши Ўзбекистон фойдасига хизмат қилади.
Шунингдек, Шавкат Мирзиёев 2021 йилнинг 5 апрель санасида Эрон ташқи ишлар вазири Муҳаммад Жавод Зарифни қабул қилганди. Унда Эроннинг денгиз портларидан самарали фойдаланиш ҳамда Ўзбекистон–Туркманистон–Эрон–Уммон транспорт йўлагини ривожлантириш борасида фикр алмашилган.
Изоҳ (0)