Тиш чўткаси ёрдамида кийимдаги доғларни қандай кетказиш мумкин?

Биласизми, ҳар йили миллиардлаб тиш чўткалари чиқиндига ташланади ва уларнинг аксарияти сифатсиз пластмассадан ишлаб чиқарилади. Улар қайта ишланмайди ва чириб кетмайди. Лекин уларнинг эскисидан ҳам унумли фойдаланиш мумкин.

Албатта, аксарият хонадонларда кир ювиш машинаси мавжуд: Унинг олдидан эса табиий равишда, кир ювиш кукуни кондиционер, сирка, ичимлик содаси каби оқартирувчи воситалар ўрин олади. Жуда кўп жой эгалламайдиган тиш чўткасини ҳам уларнинг орасига қўйиш тавсия этилади.

Ишлаб чиқарувчилар бундай маҳсулотларнинг кенг ассортиментини таклиф қилади. Юмшоқ ва қаттиқ, турли хил услубдаги табиий, комбинацияланган ёки сунъий чўткалар мавжуд, аммо аслида эски тиш чўткаси ҳам ўз вазифасини бажариши мумкин. У кийимдаги қаҳва доғлар, ёғ томчиларини тез ва самарали равишда олиб ташлашга ёрдам беради.  Бундан ташқари, у каттароқ чўткага қараганда анча яхши ишлайди, айниқса, кичик доғлар билан ишлашга қулай.

Тиш чўткаси билан доғларни қандай олиб ташлаш мумкин?

• матонинг керакли жойи намланади;
• тозалаш воситаси доғли жойга қўлланади;
• мато намланган тиш чўткаси билан артиб олинади;
• доғ сув остида ювилади ва кир ювиш машинасига жойлаштирилади.

Доғлар ўта чуқур бўлиши мумкин, шунинг учун уларни матонинг толаларидан имкон қадар тезроқ олиб ташлашга ҳаракат қилиш керак. Шунинг учун ҳам тиш чўткасини кир ювиш машинаси олдида сақлаш кийимларни мукаммал тозалашда ёрдам беради. Сифатли кийимлардан доғни олиб ташлашда ишқалашдан кўра тиш чўткасидан фойдаланиш анча самарали. Чўтка тозалаш воситасининг матога чуқурроқ кириб боришига имкон беради ва толаларни мукаммал тозалайди, бу эса доғнинг из қолдирмасдан йўқолиши ва кийимнинг янгидек кўриниши эҳтимолини оширади. Айтганча, пластик тиш чўткаларини қайта ишлаш мумкин, улардан ручка тайёрланади.