Тошкент шаҳридаги «ИМ-10» қозонхонасига уланган М-0 «Ду-800» магистрал иссиқлик тармоқларида юзага келган авария ҳолати сабаб Олмазор ва Шайхонтоҳур туманларининг қатор ҳудудларида иссиқлик таъминоти вақтинча тўхтатилади. Бу ҳақда «Тошиссиққуввати» ДУК матбуот хизмати хабар берди.
Маълум қилинишича, носозлик сабаб 6 декабрь куни соат 10:00 дан 17:00 гача қуйидаги манзилларда иссиқлик таъминоти вақтинчалик тўхтатилади:
- Олмазор тумани — Фаробий, Мирзо Ғолиб, Қамарнисо, Шифокорлар, Ғ.Каримов, Ходжаева кўчалари ҳамдаТашГосМИ, Шифокорлар шаҳарчаси, ТашГУ, ТашПИ, Г-30, Олимпия, Чимбой, Бешқўргон-1, 2, 3, 4, Мухбир, Қорақамиш 2/4 мавзеларида
- Шайхонтоҳур тумани — Фаробий кўчаси ҳамда Жарариқ, Белтепа, Ибн Сино 1, 2-мавзеларида.
«Тошиссиққуввати» юзага келган ноқулайликлар учун узр сўрайди.
Аввалроқ Ўзбекистонда иссиқлик тармоқларининг 60 фоизи таъмирталаб аҳволда экани маълум қилингани, Тошкентда иситиш тизимига кечикиб уланган хонадонлар қайта ҳисоб-китоб қилингани тўғрисида хабар берилганди.
Изоҳ (0)