Дунё ва ўзбек спортига оид 6 декабрнинг энг муҳим хабарлари дайжести билан танишинг.
Ўзбекистон
Суперлига клублари учун қишки трансфер ойнаси очилдиСуперлигада қишки трансфер ойнаси 2021 йилнинг 6 декабридан 2022 йилнинг 26 февраль санасига қадар давом этади.
ПФЛ Суперлига клубларининг трансферларига чеклов қўйди. Унга кўра, клублар трансфер ойнасида 10 дан ортиқ футболчини рўйхатдан ўтказа олмайди. Про-Лигадан чиққан уч жамоа учун бу лимит 15 футболчи этиб белгиланган.
Шу билан бирга Суперлига жамоалари 2021 йилги мавсумдаги ўйинчилари, ўзининг ёшлар жамоаси вакиллари ва 2000 йилдан кейин туғилган футболчилар билан чекланмаган миқдорида шартнома имзолаши мумкин.
Футзал бўйича Ўзбекистон миллий терма жамоасининг Қозоғистонга қарши ўйин учун қайдномаси эълон қилинди
Ўзбекистон футзал терма жамоасининг декабрь ойидаги йиғинига жалб этилган футболчилар рўйхати маълум қилинди. 14 ва 15 декабрь кунлари Баҳодир Аҳмедов шогирдлари Нур-Султон шаҳрида Қозоғистон терма жамоасига қарши ўртоқлик ўйинлари ўтказади. Мазкур йиғинга 14 нафар футзалчи жалб этилган.
«Насаф» Қаршида байрамни давом эттирди
Самарқандда ўтган Ўзбекистон Кубоги финалида «Пахтакор»ни мағлуб этиб, совриндор бўлган «Насаф» 6 декабрь куни Қарши шаҳрида ўз мухлислари билан ғалабани нишонлади. Жамоа Қарши кўчаларини автобусда айланган ва стадионга йўл олган. «Марказий» стадионига 2 мингдан ортиқ мухлис йиғилган.
Ўзбекистонда эртага оғир атлетика бўйича Жаҳон чемпионати бошланади
Тошкент шаҳрида 7—17 декабрь кунлари оғир атлетика бўйича катталар ўртасида Жаҳон чемпионати бўлиб ўтади. Украина, Бангладеш, Жанубий Корея, Филиппин, Тунис, Таиланд, Малайзия каби йигирмага яқин давлатларнинг терма жамоалари Тошкентга етиб келган ҳамда белгиланган спорт залларида мусобақага тайёргарлик машғулотларини олиб бормоқда.
Жаҳон
IFFHS йилнинг энг яхшиларини аниқладиХалқаро футбол тарихи статистикаси федерацияси (IFFHS) 2021 йилнинг энг яхшиларини аниқлашда давом этмоқда. Аввалроқ «Бавария» форварди Роберт Левандовски йилнинг энг яхши ўйинчиси деб топилган, Жанлуижи Доннарумма («ПСЖ») эса энг яхши дарвозабон бўлганди.
Яна бир қатор йўналишлар бўйича энг яхшилар аниқланди:
- Энг яхши мураббий (клуб миқёсида): Томас Тухель («Челси»);
- Энг яхши мураббий (терма жамоа миқёсида): Роберто Манчини (Италия);
- Энг яхши плеймейкер: Кевин де Брюйне («Манчестер Сити»);
- Энг яхши ёш ўйинчи: Педри («Барселона»);
- Энг яхши ҳакам: Феликс Брих (Германия).
«Реал» ҳужумчиси Чемпионлар Лигаси доирасидаги «Интер»га қарши баҳсни аниқ ўтказиб юборади. Ўйин 7 декабрь тунида бўлиб ўтади.
12 декабрь куни «Атлетико»га қарши кечадиган ўйинда майдонга тушиши эса сўроқ остида, дея хабар қилмоқда Goal.
Бензема «Реал Сосьедад»га қарши кечган ўйинда жароҳат олган ва унинг ўрнини Лука Йович эгаллаганди.
Мессининг яқинлари Почеттино ва унинг услубига шубҳа билан қарамоқда
«ПСЖ» ҳужумчиси Лионель Мессининг яқинлари парижликлар устози Маурисио Почеттинонинг ишига шубҳа билан қарамоқда.
Париж клуби ва Месси қониқарсиз натижалар учун танқид остига олинмоқда. Лионелнинг яқинлари эса бу ҳолатни мутахассиснинг ҳамон футболчиларнинг позицияси борасида бир қарорга келмагани ва беқарорлиги билан боғламоқда.
L’Equipe’нинг хабар қилишича, Мессининг атрофидагилар Почеттино ва унинг услубига шубҳа билан қарамоқда. Хусусан, мураббийнинг жуда мураккаб услубни танлаши ўйинчига ҳуш келмаяпти.
Месси Франция чемпионатининг жорий мавсумида 9 та ўйин ўтказиб, битта гол ва учта голли узатма амалга оширди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)