Сериал ва фильмларда инглизча гапирганига қарамай, аксарият машҳурларнинг она тилиси б ошқа бўлиши, инглизча гапирганда эса аксентидан билиниши мумкин. AdMe инглиз тилида мулоқот қилиш учун тер тўкишига тўғри келган юлдузлар ҳақида маълумот бериб ўтади.
Николай Костер-Валдау
«Тахтлар ўйини»да Жейм Ланнистер роли билан яхши таниш бўлган Николай Даниянинг Рудкебинг шаҳрида дунёга келган. Дан тилида гаплашиб катта бўлган актёр туғилиб ўсган мамлакатидаги замонавий театр мактабида ўқиган ва 1994 йилдан кинода суратга туша бошлаган.
Гал Гадот
«Мўъжизакор аёл» юлдузи Гал Гадот Исроилнинг Питах-Тиква шаҳрида дунёга келган. Ивритча гапириб тили чиққан актриса суперқаҳрамон сифатида экранда кўриниш беришдан аввал 12 йил давомида рақс билан шуғулланган. 2004 йилда «Исроил гўзали» танловида ғолибликка эришган Гал шундан кейин Gucci ва Jaguar реклама кампанияларининг юзи бўлган. Учинчи синфдан инглиз тилини ўрганганига қарамай, ҳали ҳам бу тилда аксент билан гапиради.
Мадс Миккелсен
Копенгагенда дунёга келган Мадс актёр бўлгунига қадар 10 йил давомида рақс билан шуғулланган. Ёшлигида эса гимнастика ва енгил атлетика билан шуғулланишни канда қилмаган. Инглиз ва дан тилидан ташқари, актёр швед тилини ҳам яхши билади.
Аня Тэйлор-Жой
Аня Майамида дунёга келганига қарамай, келиб чиқиши америкалик эмас. У туғилган вақт ота-онаси Майами соҳилларида дам олаётган бўлган, холос. Ҳаётининг биринчи йилларини Аргентинада кечирган Аня оила аъзолари билан ўзаро испанча гаплашади. 6 ёшлигида ота-онаси Лондонга кўчишга қарор қилган ва шундан кейин Аня инглиз тилини ўрганишни бошлаган.
Мила Кунис
Русчада Мила ва унинг оиласи ўз она тили сифатида суҳбатлашади. Черновсида дунёга келган қизнинг онаси физика ўқитувчиси, отаси эса мутахассислиги механик бўлса ҳам, такси ҳайдовчиси сифатида фаолият олиб борган. Кунис 7 ёшга тўлганида ота-онаси Лос-Анжелесга кўчиб ўтишга қарор қилган.
Натали Портман
Келиб чиқиши исроиллик бўлган Натали оиласида ўзаро иврит тилида гаплашади. Болалигида шаҳарма-шаҳар кўчиб юрган ота-онаси охири Лонг-Айлендда тўхтаган. Натали болалигиданоқ санъатга қизиққан, балет ва замонавий рақс билан шуғулланган.
Диана Крюгер
«Троя» фильмидаги роли билан яхши таниш бўлган Диананинг тили немисчада чиққан. Болалигида балерина бўлишни истаган Диана тиззаси жароҳатланганидан кейин ушбу орзусидан воз кечган.
Арнольд Шварсенеггер
Австриянинг Тал номли кичик қишлоғида дунёга келган Арнольднинг тили ҳам немисчада чиққан. Шу сабаб бўлса керак, карьерасининг бошида актёрга бошқа одам овоз берган.
Нина Добрев
Нина Добрев Болгария пойтахти Софияда дунёга келган. Оиласи Торонтога кўчиб ўтганига қарамай, 2 яшар Нина айнан болгар тилида гаплаша бошлаган.
Сандра Буллок
Вашингтонда дунёга келган Сандра 12 ёшигача Германия (Нюнберг)да кейин эса Австрия (Вена)да яшаган. Яқинлари билан немис тилида гаплашадиган актриса болалигида қўшиқ ижро қилиш ва балет билан шуғулланган.
Мелани Лоран
Асли парижлик бўлган Мелани инглиз тилини Квентин Тарантинонинг «Шарафсиз ваҳшийлар» фильмидаги ролга тасдиқланганидан кейин ўргана бошлаган. Гап шундаки, синов вақтида у режиссёрга инглиз тилида бемалол гаплаша олишини айтган. Интервьюлардан бирида Лоран тил ўрганиш учун сериал томоша қилганини маълум қилган.
Изоҳ (0)