Судан армиясининг генерали Абдул Фаттоҳ ал-Бурҳон 2023 йилга режалаштирилган президентлик сайловларида иштирок этмаслигини маълум қилди. Бу ҳақда Al Arabiya телеканлига таяниб, «ТАСС» хабар берди.
«Мен президентлик сайловида иштирок этмайман, ҳатто буни мендан сўрашса ҳам. Менинг халқ ва армия олдида аниқ миссиям бор бўлиб, у мамлакатда ўтиш даврининг якунланишидан иборат… Биз бирор бир сиёсий кучларни ўзгартиришни эмас, аксинча, барча учун жой ажратишни истаймиз», — дейди Судан Суверен кенгаши раҳбари ал-Бурҳон.
21 ноябрь куни ал-Бурҳон ва ҳарбийлар томонидан ҳокимиятдан четлаштирилган бош вазир Абдулла Хамдок янги сиёсий келишувни имзолаган эди. Ҳужжатга кўра, Хамдок ҳукуматни қайта бошқаради ва янги технократларнинг янги вазирлар кабинетини шакллантиришга киришади.
Генералнинг сўзларига кўра, Вазирлар Маҳкамасининг раҳбари «ўз ёрдамчиларини танлашда тўлиқ эркинликка эга ва қарор қабул қилишда мустақил бўлади»— ҳарбийлар эса бундан манфаатдор. «Сўнгги сиёсий келишув мамлакатдаги ўтиш даврининг ҳақиқий стартига айланди», — дейди ал-Бурҳон.
Судан шаҳарларининг кўчаларида ўтказилган намойишлар оқибаитда кўплаб инсонлар қурбон бўлгани тўғрисдаги хабарларга изоҳ берар экан, армия қўмондони бунда кимнидир айблаш тўғри бўлмаслигини айтган. «Биз норозилик намойишчиларининг ўлдиришида айбдорларни аниқлаш бўйича суд органлари билан ишлаяпмиз. Тергов натижаларини кутмоқдамиз. Айбдорлар шубҳасиз жазога тортилади», — дея қўшимча қилган у.
Эслатиб ўтамиз, Судан ҳарбийлари 25 октябрга ўтар кечаси мамлакат муваққат ҳукуматининг бир қатор вазирларини, жумладан, муваққат бош вазир Абдулла Хамдокни ҳибсга олганди. Хамдок ҳамда унинг рафиқасига 27 октябрь — ҳибсга олинганидан бир кун ўтиб уйига қайтишга рухсат берилган эди.
Изоҳ (0)