Ҳанузгача улар иштирокидаги фильмлар мароқ билан томоша қилинади. Фақат картина қаҳрамонлари аллақачон ўсиб улғайган. Улар улғайиш билан бирга, кинодаги фаолиятини ҳам тўхтатган.
Элисон Портер – «Жингалаксоч Сю»
1991 йилда 10 ёшли Элисон «Жингалаксоч Сю» фильмида рол ўйнаган. Жажжи актрисага кейинчалик бошқа таклиф бўлмади ва камера қаршисидан кўра театр саҳнасида рол ўйнашга қарор қилди. Элисоннинг яна бир камчилиги спиртли ичимликлар ва гиёҳванд моддалари эди. У 25 ёшдан кейин гиёҳвандликдан қутулишга муваффақ бўлди, аммо унинг кинокарьераси натижа бермади. У 10 йил аввал эпизодда ўйнаган «Танишинг: Дейв» ҳозирги кунга қадар сўнгги фильм бўлиб қолмоқда. 2018 йил Элисон собиқ актёр Брайан Отенритга турмушга чиқди ва жуфтликнинг ўғил ҳамда қиз фарзанди бор.
Жимми Уоркмен – «Аддамс оиласи»
«Аддамс оиласи» фильмидаги рол ёш актёр учун дебютга айланди ва бу тасодифан рўй берди. Продюсерлар болани унинг синглиси Шанел Уэнздай ролини ўқиётганда кўриб қолди. Кастинг директорлари йигитдан ҳам Пагсли ролидан парча ўқишни сўради ва Жимми бу ролга тасдиқланди.
Афсуски, Уоркменнинг кейинги роллари машҳурлик келтирмади. Бир неча фильмлардан сўнг, 2011 йилда Жимми «Манипуляция назорати» фильмида рол ўйнади, шундан кейин у катта экранда қайта кўринмади. Аммо Уоркмен кино ва телевидениеда суратга олиш гуруҳининг аъзоси сифатида ишлашда давом этмоқда.
Наталя Гусева – «Келажакдан меҳмон»
Наталя Гусева Совет киносининг энг севимли актрисаларидан бири эди. Унинг беш қисмли «Келажакдан меҳмон» фильмидаги Алиса Селезневанинг машҳур роли бутун Совет Иттифоқида ёш қизга шуҳрат келтирди. Аммо Наталянинг ўзи бундай эътибордан мамнун эмасди, чунки болалигидан у биолог бўлишни орзу қилган.
Унинг иштирокидаги фильмлар муваффақиятидан сўнг Наталяга кўп роллар таклиф қилинди. Аммо актриса иккита сабабга кўра барча таклифларни рад этди: у Алисанинг ёрқин қиёфасини бузишни истамади ва Москва институтининг биотехнология бўлимига ўқишга киришга ҳаракат қилди. 1984 йилда Гусева ўқишни тугатди ва ҳозирда юқумли касалликларни ташхислаш учун фермент билан боғлиқ иммуносорбент таҳлил тизимларини ишлаб чиқадиган компанияни бошқаради.
Майкл Оливер – «Инжиқ бола»
Майклнинг онаси ўғлининг ёрқин келажагига шунчалик ишонгандики, «Инжиқ бола»нинг иккинчи қисмини суратга олиш пайтида у ўғлининг гонорарини 5 баравар оширишни талаб қилди. Ё бу каби жанжаллар Майклни Голливуддан четлаштирди ёки унинг онаси шунчаки ўғлининг имкониятларида хатога йўл қўйди. Натижада «Инжиқ бола 2»дан кейин Оливернинг кинодаги карьераси тугади.
Татяна Проценко – «Буратинонинг саргузаштлари»
Малвина роли Татяна Проценко учун ягона эди. Сценарий муаллифи Инна Веткина уни айнан кичкинтой Таня учун ёзган. Аммо жароҳати туфайли қизга суратга тушишда қатнашиш тақиқланган ва унга касбини ўзгартириш тавсия этилган. Шундай қилиб, мактабни тугатгандан сўнг Татяна ВГИКнинг киношунослик бўлимига ўқишга кирди. Турмуш ўртоғи Алексей Войтюк билан Татянанинг икки фарзанди бор. У 2021 йил 19 майда вафот этган.
Дмитрий Иосифов – «Буратинонинг саргузаштлари»
10 ёшли Дима ёғоч болани ижро этиб, ҳақиқий юлдузга айланди. Буратино ролидан кейин Иосифовнинг карьераси тўхтамади, у деярли ҳар йили ўқишни тугатгунга қадар суратга тушди. ВГИКга киргандан сўнг Иосифов эпизод ролларни олишни давом эттирди, аммо 90 йилларнинг ўрталарида у тамоман актёрликни тўхтатди. Собиқ актёр кейинчалик режиссёрлик факультетини тамомлаб, реклама, клип ва сериаллар суратга ола бошлади. Дмитрий Иосифов Антон Артём ва Андрей исмли фарзандларини дунёга келтирган либослар дизайнери Наталяга уйланган.
Наталя Вавилова –«Москва кўз ёшларга ишонмайди»
«Москва кўз ёшларга ишонмайди» фильмида суратга тушгандан сўнг юлдузга айланган актриса 15 ёшли Дмитрий Харатян билан мактаб драмасида ишлашни бошлаган, кейинчалик у катта кинода дебют қилган. Наталянинг ота-онаси унинг фильмда рол ўйнашига қарши эди ва қизини дипломатик сулоланинг давомчиси сифатида кўрди, аммо режиссёр Владимир Меншов Вавиловани «Москва ...» драмасидаги Александра Тихомирова ролида кўрди.
Қиз ўз қаҳрамонининг ролини ота-онасидан яширинча ўрганди ва ёлғон фош бўлгач, отаси Вавиловани МГИМОга қабул қилишга тайёргарлик кўриш учун уй қамоғига олди. Ҳатто Меншов ҳам қаттиққўл ота-онани ишонтира олмади. Оиланинг ғазабини фақат актёр Алексей Баталов юмшата олди, чунки Наталянинг онаси актёрнинг ашаддий мухлиси эди. Баталовнинг таъсир кучи Вавиловларни нафақат қизини «Москва ...» га қўйишга, балки ВГИКга киришига ҳам кўндирди.
Саша Тихомирова роли Вавиловага машҳурлик келтирди, фильм премьерасида у бўлажак турмуш ўртоғи режиссёр Самвел Гаспаров билан учрашди. Улар турмуш қуриб, бахтли ҳаёт кечириб келмоқда. Вавилова узоқ вақтдан бери кинони тарк этган ва ўзини уй ҳамда боғга ғамхўрлик қилишга, шунингдек, хайрия ишларига бағишлаган.
Жоржио Кантарини – «Ҳаёт гўзал»
Роберто Бенинининг Италиядаги контцентрацион лагер маҳбуслари ҳақидаги драмасини йиғламасдан томоша қилишнинг иложи йўқ. Фильмда бош ролни ижро этган Жоржио эндигина 5 ёшда бўлган. Шундан сўнг у яна бир муваффақиятли фильм – «Гладиатор»да ўйнади. Ҳаммаси бўлиб Кантарини 5 та фильм ва «Юлдузлар билан рақс» фильмининг итальянча версиясида иштирок этди.
Оливия Олсон – «Ҳақиқий севги»
Оливиянинг овози уни «Ҳақиқий севги» Янги йил трагикомедиясининг юлдузига айлантирди. Кўпгина томошабинлар 10 ёшли актрисанинг қўшиғини профессионал қўшиқчи томонидан айтилган, деб ўйлаган, аммо фильмда қизнинг ўзи куйлаган. Афсуски, Оливия на актрисалик, на мусиқий карьераси билан муваффақият қозона олди. 2010 йилдан бери Олсон «Саргузаштлар вақти» мультсериалида вампир қироличаси Марселинга овоз бериб келади, киноларда эса рол ўйнамайди.
Изоҳ (0)