Ҳукумат қарори билан «Суд экспертиза соҳасида дуал таълим бўйича кадрларни қайта тайёрлаш курсларини ташкил этиш тартиби тўғрисида»ги низом тасдиқланди. Бу ҳақда Telegram’даги «Ҳуқуқий ахборот» канали хабар қилди.
Унга кўра, дуал таълим бўйича кадрларни қайта тайёрлаш ихтиёрий асосда суд-экспертизасининг муайян турида фаолият юритиш истагида бўлган талабгорлар учун пуллик шартнома асосида 6 ой давом этади. Қайта тайёрлаш курслари йилига 2 марта, октябрь ва февраль ойларида бўлади.
Низомга мувофиқ, суд-экспертиза ташкилотлари курс ташкил этилиши тўғрисида 3 ой олдин эълон беради ва номзодларнинг ҳужжатларини қабул қилади. Курсга қабул қилиш учун 7 кишидан иборат комиссия тузилиб, курсларнинг 40 фоизи назарий, 60 фоизи амалий қисмдан иборат бўлади.
Қайд этилишича, тингловчилар билими жорий, оралиқ ва якуний назорат бўйича баҳоланади. Курс битирувчилари келгусида суд эксперти сифатида ишлаши мумкин.
Изоҳ (0)