Жанубий Кореяда ижтимоий масофани сақлаш қоидаларининг юмшатилиши фонида 18 ноябрь куни COVID-19 билан касалланиш ҳолатлари пандемия бошидан бери энг юқори даражага етди. Бу ҳақда «Интерфакс» хабар берди.
Корея Касалликларни назорат қилиш ва олдини олиш агентлиги (КDCА) маълумотларига кўра, сўнгги 24 соат ичида мамлакатда COVID-19 га чалинганлар сони бўйича рекорд кўрсаткич қайд этилган – 3292 киши.
Аввалги антирекорд 25 сентябрь куни ўрнатилган эди. Ўшанда Жанубий Корея ҳукумати касалланиш бўйича 3 270 та янги ҳолатни қайд этган. Шундай қилиб, пандемия даврида вирус юқтирганларнинг умумий сони 406 065 нафарга етди.
Бундан ташқари, ўтган кун давомида мамлакатда COVID-19 билан боғлиқ 29 та ўлим қайд этилган. Коронавирус қурбонларининг умумий сони 3 187 кишига етди, ўлим даражаси эса 0,78 фоизни ташкил этмоқда.
COVID-19 га чалиниш ҳолатларининг кўпайиши мамлакат ноябрь ойи бошида «COVID-19 билан яшаш» схемаси бўйича аста-секин пандемиядан олдинги ҳаётга қайтиш учун коронавирус чекловларини юмшата бошлаганидан кейин содир бўлди.
Жанубий Кореяда февраль ойи охиригача коронавирус билан боғлиқ барча чекловларни бекор қилиниш режалаштирилган эди. Бироқ, соғлиқни сақлаш органлари, агар ҳозирги тенденция давом этса, мамлакат ҳозирги схемани олдинга силжита олмаслиги ҳақида огоҳлантирди.
Изоҳ (0)