Куба президенти Мигель Диас-Канель 14 ноябрь куни Гавана марказидаги мамлакат раҳбариятини қўллаб-қувватлаш мақсадида ўтказилган намойиш иштирокчилари билан учрашди, деб хабар беради «ТАСС».
«Куба тинч ва осуда ҳаётда яшайди, биз мамлакатни янада яхши қиламиз», — дейди давлат раҳбари. Тадбир ташкилотчиларининг маълум қилишича, улар республиканинг ички ишларига четдан аралашув ва АҚШнинг савдо-иқтисодий эмбаргосига қарши чиқиш қилмоқда.
13 ноябрь куни Куба ташқи ишлар вазири Бруно Родригес Парриля оролдаги вазиятни изидан чиқаришни истовчилар ўз мақсадлари йўлида ижтимоий тармоқларда фойдаланаётганини, Facebook ва Twitter’даги модераторлар эса платформалар алгоритмларини манипуляция қилган ҳолда бу каби душманлик ташаббусларини маъқуллаётганини маълум қилганди.
Аввалроқ Куба раҳбариятининг мухолифлари 15 ноябрь куни республиканинг йирик шаҳарларида ҳукуматга қарши юришлар ўтказиш учун ариза берган эди. Маҳаллий ҳукумат акцияларни ташкиллаштиришни рад этган, уларнинг фикрича, шу каби ҳаракатлар республикадаги вазиятни беқарорлаштиришга йўналтирилган. Рад жавобини олган аризачилар фуқароларни кўчаларга чиқишга чақирмоқда. Куба Бош прокуратураси ҳукуматга қарши оммавий норозилик намойишларига чақираётган бир неча фаолларга огоҳлантириш берган.
Изоҳ (0)