Дэвид Франкелнинг «Қаттиққўл хоним» фильми 2006 йил 30 июнда АҚШда намойиш этилган бўлиб, 2021 йилда картина ўзининг 15 йиллигини нишонлади. Орадан йиллар ўтганига қарамай, фильмни севиб томоша қилувчи мухлислар сони камаймаган.
Мерил Стрип, 72 ёш
Ҳали ҳамон суратга тушишда давом этаётган Мерилнинг ҳеч қайси ҳамкасби энг яхши актёрлик иши бўйича «Оскар» мукофотига 21 марта номзод бўлиш борасида унинг олдига туша олмайди. Берган интервьюларида актриса қаттиққўл раҳбар аёлни гавдалантириш карьерасидаги энг қийин вазифалардан бири бўлганини бир неча марта такрорлаган. Аммо шунга қарамай, у ўз ролини маромига етказиб ижро қилган.
Энн Хетэуэй, 39 ёш
Фильмда ёш ва ҳаракатдан тўхтамайдиган Андреа ролини ўйнаган Энн мазкур ижроси сабаб бир қанча мукофотлар, хусусан, «Оскар», «Олтин глобус», «Эмми» ва «BAFTA»ни қўлга киритган. Муваффақиятли лойиҳаларда иштирок этишда давом этаётган актриса Адам Шулман билан турмуш қурган. Жуфтликнинг икки нафар фарзанди бор.
Эмили Блант, 38 ёш
Фильмда Миранда хонимнинг бош ассистентини гавдалантирганига қарамай, Эмили Блантга бугунги кунда бош қаҳрамон ролини ижро қилиш учун кўплаб таклифлар келиб тушади. Актриса сифатида ўз ўрнига эга бўлган актриса Жон Красинскига турмушга чиққанидан кейин икки нафар фарзандни дунёга келтирган.
Стенли Туччи, 60 ёш
Стенли фильмда журналнинг креатив директори Найжел сифатида кўриниш беради. Шундан буён у бир қанча машҳур иккинчи даражали қаҳрамонларни гавдалантиришга муваффақ бўлган. Ролларини маҳорат билан ижро қиладиган актёр карьераси давомида бир қанча мукофотларга сазовор бўлган.
Саймон Бейкер, 52 ёш
Андреанинг бошини айлантирмоқчи бўлган Кристиан ижроси Саймоннинг карьерасидаги энг яхши роллардан бири бўлиб қолади. Фильмдаги ҳамкасбларидан фарқли ўлароқ, янги лойиҳаларда иштирок этиш учун таклифлар кам келиб тушишига қарамай, у бир қанча машҳур брендлар, масалан, Givenchy’нинг рекламасида суратга тушишни канда қилмайди.
Изоҳ (0)