Фильмларда парикдан фойдаланганини ашаддий мухлислари ҳам пайқамаган Голливуд актёрлари (фото)

Актёр ва актрисалар ҳар бир фильмда турли қаҳрамонни гавдалантиради. Бунда кўпинча соч турмаги персонаж характерини ўзига хос тарзда акс эттиришга ёрдам беради. Ташқи кўринишни ўзгартириш учун ҳам одатда париклардан фойдаланилади. Лекин томошабинлар персонажларнинг сочи парикми ё ўзиники эканлигини одатда унчалик ҳам фарқлай олмайди.

Аня Тэйлор-Жой

«Қироличанинг юриши» картинасида Аня Тэйлор-Жой парик туфайли қизил сочли қаҳрамонга айланган. Айтганча, сценарийда қаҳрамоннинг сочи қизил бўлмаган: актрисанинг ўзи ва соч рассоми шундай қилишни таклиф қилган. Анянинг париклардан фойдаланишининг яна бир сабаби табиий сочларини ҳимоя қилишдир, чунки турли хил ташқи таъсирлар сочлар учун зарарли бўлиши мумкин. «Эмма» фильмида эса актриса ўз қаҳрамонининг қиёфасига кўпроқ ўхшаш учун сочларини янада очроқ рангга бўяган.

Марго Робби

Ғайриоддий Харли Квинн ролини ижро этган актриса ўзининг ёрқин рангли сочлари билан мухлислар ёдида қолган. Ёмғирли саҳналарда суратга олиш қийин бўлгани учун актриса ҳам парикдан фойдаланган. Шунингдек, комик қаҳрамон Харли Квиннинг бундай кўриниши тасодифий эмас. Унинг масхарабоз малика образига мазкур соч турмаги мос келади.

Кристен Стюарт

«Сумерки»нинг баъзи қисмларида Кристен Стюарт ҳам парик кийган. Буни картинанинг ҳаракатсиз кадрларида сезиш мумкин. Вампирлар ҳақидаги достоннинг баъзи эпизодларида актрисанинг парик кийганининг сабаби шундаки, у бошқа фильмда рол ўйнаш учун сочларини анча қисқартирганди. «Сумерки»нинг барча қисмларини суратга олиш эса анча узоқ давом этган, биринчи қисм 2008 йилда, охиргиси эса 2012 йилда чиқарилган.

Никол Кидман

Никол ҳам фильмларда суратга тушишда кўпинча парик кияди. Мисол учун, «Катта кичик ёлғон» фильмидаги унинг малла сочлари сунъийдир. Ушбу соч турмаги актрисага замонавий аёл ва меҳрибон онанинг қиёфасини яратишга ёрдам берган. «Ортга чекиниш» фильмида эса актриса жингалак соч билан намоён бўлган. Лекин бу ҳам парик.

Том Хиддлстон

Локининг сочлари узун ва қора. Аммо унинг ижрочиси Том Хиддлстонники эса табиатан жингалак ва сарғиш. Локи ролини ўйнаган «Тор» фильмида Том худди картинадаги қаҳрамони каби сочларини ўстирди ва бўяди. Аммо «Қасоскорлар» фильмида Том парик кийган, чунки у калта сочли қаҳрамон ролини бошқа фильмда ижро этаётган эди.

Скарлетт Йоханссон

Актрисанинг сўзларига кўра, парик бошқа одамга айланишнинг энг осон йўли. Кўпгина фильмларида актриса парикларда рол ижро этади. Унинг севимли париги – бу Қора бева роли учун танланган қизғиш жингалак соч, унда экрандаги қаҳрамон худди чизилган персонажга ўхшайди.

Женнифер Энистон

Актрисанинг сочлари ажойиб, лекин уларни кўпинча париклар остига яширади. Мисол учун, «Биз Миллерлармиз» ва «Бадфеъл хўжайинлар» фильмида Женнифернинг табиий жингалак сочлари сохта сочлар орқасида яширинган. Актриса учун парик – бу табиий толаларни соғлом сақлаш имкониятидир. Бундан ташқари, парик кийиш қаҳрамонга айланиш вақтини қисқартиради.

Жиллиан Андерсон

Актриса агент Скалли ролида парик кийган. Жиллиан бунга мажбур бўлган, чунки фильмдаги доимий соч турмаги учун фендан фойдаланиб, кал бўлиб қолишдан қўрқарди. Шунингдек, у сочи билан боғлиқ муаммоларга ҳам учраганди.

Анжелина Жоли

«Солт» фильмида сюжетга кўра, қаҳрамон таъқибдан қутулиш учун ташқи қиёфасини ўзгартиради. Албатта, ҳар бир саҳна учун актриса сочларини бўяб ёки қисқартиришига ҳожат қолмаган. У шунчаки турли хил париклардан фойдаланган ва шу билан ташқи кўринишини ўзгартирган.

Кетрин Зета-Жонс

Актриса «Чикаго» фильмидаги роли учун сочини қисқартириши шарт эмасди, у ҳам бошқалар каби парикдан унумли фойдаланди. Фильм ижодкорлари Кетрин сочини кесгандек кўринишини хоҳлади, қора боб каре турмаги эса унинг қиёфасига мос тушди.

Вупи Голдберг

«Оскар» мукофотига сазовор бўлган ролида актриса узун ва табиий кўринадиган сочлар учун ўзининг ўрилган турмагидан воз кечди. Ўша пайтда ўримли соч Голливуд учун ғайриоддий нарса эди. Вупи эса баъзида ташқи кўриниши туфайли муаммоларга дуч келарди, гарчи у энг яхши актриса поғонасига чиқа олган бўлса ҳам.

Роберт Паттинсон

Роберт Паттинсон «Сумерки» сериалида табиий сочлари билан рол ўйнади. Аммо кейинчалик бошқа фильмлар учун сочларини қисқартиришга тўғри келди. Бироз вақт ўтгач «Сумерки»даги баъзи саҳналарни якунлаш учун суратга олиш ишлари давом этди. Натижада актёр парик кийишга мажбур бўлди.