Россияда ўтган бир суткада 1239 киши коронавирус туфайли вафот этди. Бу пандемия бошидан буён мамлакатда қайд этилган кунлик ўлимларнинг энг юқори кўрсаткичи, деб ёзади Meduza COVID-19 га қарши кураш бўйича федерал тезкор штабга таяниб.
Тезкор штаб маълумотларига кўра, Россияда коронавирус қурбонларининг умумий сони 250 454 кишига етди.
Ўтган кун давомида мамлакатда яна 38 058 кишида COVID-19 аниқланди — бу 27 октябрдан бери қайд этилган энг паст кўрсаткич. Россияда бутун пандемия даврида жами 8 911 713 киши коронавирус билан касалланган, дейилади тезкор штаб маълумотларида.
Мамлакатда COVID-ўлимлар бўйича бундан аввалги антирекорд 9 ноябрь куни қайд этилганди — бир кеча-кундузда 1211 киши вафот этган.
Эслатиб ўтамиз, Россияда COVID-19 нинг янги тўлқини юз бермоқда, бунга коронавируснинг дельта («ҳиндча») штамми билан боғлиқ вазият сабаб бўлган. Тезкор штаб деярли ҳар куни коронавирус билан касалланиш ва ўлим ҳолатлари бўйича антирекордлар ҳақида ҳисобот бермоқда.
Россия президенти Владимир Путин мамлакатда коронавирус инфекцияси билан касалланиш ҳолатлари ортаётгани сабаб 30 октябрдан 7 ноябрда қадар ишга чиқилмайдиган ҳафталик дея эълон қилган. Таътил муддати тугади. Бироқ бешта ҳудуд — Новгород, Томск, Челябинск, Смоленск ва Курск вилоятларида маҳаллий ҳокимият дам олиш кунларини узайтирди.
Мавзуга доир:
- Россияда коронавирус туфайли бир суткада 1200 дан ортиқ киши вафот этди. Бу пандемия бошидан буён мутлақ рекорд
- Россия президенти коронавирус туфайли ресторанларнинг тунда ишлашини тақиқлади. 60 ёшдан катта эмланмаган аҳолига ўзини яккалаш буюрилди
- Фоторепортаж: Москваликлар локдаун жорий этилганидан кейинги биринчи дам олиш кунини қандай ўтказди?
Изоҳ (0)