Олий Мажлис Сенатининг янги биносида Президентликка сайланган Шавкат Мирзиёевнинг инаугурация маросими бўлиб ўтди. Президент сифатида қасамёд қабул қилган Шавкат Мирзиёев Ўзбекистон Қуролли Кучлари қудратини янада ошириш устувор мақсад бўлиб қолишини таъкидлаган, деб хабар беради «Дарё» мухбири.
Давлат раҳбари ўз нутқида ҳарбий хизматчилар ва соҳа фахрийларини, уларнинг оила аъзоларини қўллаб-қувватлаш, моддий таъминотини янада яхшилаш, уй-жой билан таъминлаш, фарзандларининг замонавий билим ва касб-ҳунарларни эгаллаши учун барча зарур чора-тадбирлар кўрилишини маълум қилган.
Эслатиб ўтамиз, ноябрь бошида АҚШдаги хусусий Global Firepower ташкилоти анъанавий равишда ҳар йили эълон қилинадиган дунёнинг энг кучли армиялари рўйхатини эълон қилганди. Унга кўра, Ўзбекистон армияси Марказий Осиёда энг кучли деб топилган.
Мавзуга доир: Ўзбекистонда давлатга етказилган зарар учун ҳарбий хизматчиларнинг моддий жавобгарлиги белгиланди
Изоҳ (0)