Tashkent City ҳудудида ташкил этиладиган Hilton Auto Expo кўргазмаси доирасида 4 ноябрь куни боғга Airbus H-125 вертолёти келиб қўнди, деб хабар бермоқда «Дарё» мухбири.
Эслатиб ўтамиз, кўргазманинг очилиш маросими 5 ноябрь куни бўлиб ўтади ва 15 кун давомида сайилгоҳ ҳудуди ноёб автомобиллар учун майдонга айланади.
Тадбирда йирик автосалонлар, хусусий тўпламларда сақланаётган ноёб автомобиллар, автомобиль ишлаб чиқарувчилар ва тюнинг студиялари, автомобиль учун маҳсулотларни ишлаб чиқарувчилар ва соҳанинг кўплаб вакиллари иштирок этади. Ҳудудда йигирмага яқин кўргазма майдонлари ташкил этилади. Шунингдек, кириш бепул бўлган ушбу кўргазмада байрам концертлари ва шоу дастурлари бўлиб ўтади.
Кўргазма доирасида келиб қўнган Airbus H-125 вертолётининг тақдимоти 31 июль куни бўлиб ўтган эди. Шу куни ушбу вертолётда Тошкент—Белдирсой—Амирсой—Чимён йўналишида махсус танишув парвози амалга оширилди.
15 август куни Мудофаа вазирлиги Ҳаво ҳужумидан мудофаа қўшинлари ва Ҳарбий ҳаво кучлари қўмондонлиги томонидан Тошкент ҳарбий округи «Чирчиқ» полигонида ташкил этилган авиашоуда ҳам ушбу вертолёт имкониятлари намойиш этилганди.
Изоҳ (0)