Актёр Уилл Смит ортиқча вазн ва руҳий муаммоларга қарши курашга бағишланган Best Shape of My Life – «Ҳаётимнинг энг яхши шакли» янги ҳужжатли фильмининг трейлерини тақдим этди. Видео актёрнинг YouTube’даги каналида пайдо бўлди, деб ёзади «Korrespondent.net».
Олти қисмдан иборат сериалда томошабинлар Смитнинг 20 ҳафта ичида тўққиз килограмм йўқотишга бўлган ҳаракатини кўриши мумкин.
«Бу тана мени пандемия ва уйдаги сон-саноқсиз кунлардан олиб ўтди. Танамни яхши кўраман, лекин ўзимни янада яхши ҳис қилишни хоҳлайман. Ярим тунда ширинлик тановул қилишлар йўқ», — деб ёзган у Instagram’да.
Трейлерда Уилл ортиқча вазн ташлаш йўлида ўзининг руҳий саломатлигига эътибор қаратиш кераклигини тушунганини ва ўз жонига қасд қилиш ҳақида ўйлаганини тан олади.
«Мен дунёга ўзим ҳақимда қанчалар кам билишимни кўрсатаман», — дейди актёр. Фильмнинг биринчи қисми намойиши 2021 йил 8 ноябрга белгиланган. Бу Смитнинг 2021 йил 9 ноябрда чиқиши кутилаётган «Уилл» номли мемуарига тўғри келиши керак.
Изоҳ (0)