Қарши шаҳридаги Президент мактабида 2021 йилнинг 30 октябрь куни очиқ эшиклар куни бўлиб ўтди. Мазкур тадбирда қатнашган «Дарё» мухбири 78 миллиард 200 миллион сўмга қуриб битказилган мактаб биносининг эътиборга молик жойларини суратга олди.
Қайд этилишича, мазкур мактабда айни кунда 144 нафар ўқувчи таҳсил олади.
Мактабда АҚШ, Филиппин ва Жанубий Африкадан келган 10 нафар хорижлик ўқитувчи дарс беради.
«Қаршида Президент мактаби иш бошлагач, ўқишга кириш учун 11002 нафар ўқувчи ҳужжат топширди. Шундан 144 нафар бола сараланиб, айни кунда мактабимизда таҳсил олмоқда», — дейди мактаб психологи Ҳуснора Нурматова.
Маълум бўлишича, мактабда икки қаватли 17 та синфхона, 3 та лаборатория ҳамда 1 та ўқитувчилар хонаси, шунингдек, 168 ўринли уч қаватдан иборат ўқув бино ва хориждан келган ўқитувчилар учун 15 ўринли меҳмонхона мавжуд.
«Қолаверса, мактабимизда футбол стадиони, волейбол ҳамда баскетбол майдончаси, гимнастика ҳали ва сузиш ҳавзаси бор», — дейди «Дарё» мухбирига ҳамроҳлик қилган Ҳуснора Нурматова.
Мактаб директори Сардор Содиқовнинг қўшимча қилишича, Президент мактаби ишга тушгач, жами 93 та янги иш ўрни яратилган.
Изоҳ (0)