Грузия бош вазири Ираклий Гарибашвили мамлакат собиқ президенти Михаил Саакашвилининг муддатдан олдин озод этилиши ёки унинг Украинага топширилиши мумкинлиги тўғрисидаги хабарларни рад этди, деб хабар беради «Коммерсантъ». Унинг сўзларига кўра, воқеалар ривожининг иккала варианти ҳам Грузия ҳукуматининг «ўз мамлакати қонунларини ҳурмат қилмаслигини» билдиради.
«Агарда биз булардан бирини амалга оширсак, ҳукуматимиз ариза ёзиши ва эртаси куни истеъфога кетиши кераклигини билдиради», — дейди Гарибашвили.
Шунингдек, унинг айтишича, Саакашвилининг тарафдорлари ва полиция ўртасида тўқнашувлар юзага келмаслиги учун у хусусий клиникага кўчирилмайди. Бош вазирнинг сўзларига кўра, хусусий клиникада «хавфсизликнинг ҳеч қанақа шароити таъминланмаган. «Полицияни жалб этишимизга, махсус воситаларни қўллаш ва абадий тартибсизликда қолишимизга тўғри келади», — дейди Ираклий Габирашвили.
Эслатиб ўтамиз, 1 октябрь куни Михаил Саакашвили саккиз йилдан буён биринчи марта Грузияга келди. У чегарани ноқонуний кесиб ўтганлик айблови билан қўлга олинди. Шундан кейин Грузияда мухолифат норозилик намойишлари бошланди, улар Саакашвили озод этилишини талаб қилди.
Мавзуга доир:
Изоҳ (0)