Мисрда 2017 йилдан бери биринчи марта фавқулодда ҳолат бекор қилинди. Бу ҳақда Миср президенти Абдулфаттоҳ ас-Сисига таяниб, «Korrespondent.net» хабар берди.
«Миср ўзининг буюк халқи ва содиқ одамлари туфайли минтақада хавфсизлик ва барқарорлик воҳасига айланди, шунинг учун мен кўп йиллар давомида биринчи марта фавқулодда ҳолат режимини давом эттиришни бекор қилишга қарор қилдим», — деди президент.
Мисрда фавқулодда ҳолат 2017 йилнинг апрелида ибодатхоналарга қилинган ҳужумлардан сўнг эълон қилинган эди. Ўшандан бери мамлакатда ҳар уч ойда бир фавқулодда вазият мунтазам давом эттирилган.
Февраль ойида Миср президенти туғилиш даражасининг юқорилиги мамлакатдаги асосий муаммолардан бири эканини айтганди.
«Сизга ўзингиз боқолмайдиган ва иш топиб беролмайдиган бола нимага керак? Шунинг учун ҳам аҳолининг 50 фоизи кулбаларда яшайди», — деган давлат раҳбари.
Шунингдек, у аҳоли сонининг кўпайиши миллий хавфсизлик масаласи эканлигини таъкидлаган. Унга кўра, агар вазият ўзгармаса ва аҳолининг йиллик ўсиш даражаси 2,4 миллиондан 400 минг кишига камаймаса, фуқаролар учун ҳаёт сифатини яхшилашга қаратилган миллий лойиҳаларнинг ҳеч қандай таъсири сезилмайди.
Изоҳ (0)