Юлдузлардан косметик воситалар: бизнесда омади чопган ва буни уддалай олмаган машҳурлар (фото)

Кўплаб машҳурлар ўз косметика брендларига асос солган. Лекин уларнинг бир нечтасигина бу фаолиятини давом эттиришга муваффақ бўлган. Қуйида даромадга эришган ёки шунчаки пул сарфлаб, фойда кўра олмаган юлдузлар билан танишиб чиқиш мумкин.

1994 йил Иман

Супермодель ўзининг Iman Cosmetics брендини 1994 йил ишга туширди ва муваффақият қозонди: брендга тегишли расмий сайт орқали тональ крем, лаб бўёғи ва тенга буюртма бериш мумкин. Иман косметикалари ҳозирда ҳам бозорда ўз ўрнига эга.

2004 йил Жессика Симпсон

Жессика ўзининг Dessert Beauty брендига асос солди, лекин бир неча йил ўтгач, у ўз-ўзидан йўқ бўлиб кетди. Инсон баъзида мағлубиятга ҳам тайёр бўлиши керак.

2005 йил Женнифер Энистон

Женнифер Энистон соч турмаги бўйича машҳур Living Proof брендини трихолог Роберт Лангер билан биргаликда ишга туширган, лекин бренд 2016 йилда Unilever’га сотилган. Женнифернинг ҳозирда ушбу маҳсулот билан алоқаси йўқ.

2005 йил Синди Кроуфорд

Meaningful Beauty бренди маҳсулотлари жуда сифатли. Ушбу брендда терини парвариш қилиш учун етти босқичдан иборат шампунь ва совун маҳсулотлари бор.

2007 йил Жози Моран

Жози ўз бренди Josie Maran Cosmetics’ни Sephora’га сотган ва мазкур маҳсулотлар ҳозирда ҳам ишлаб чиқарилмоқда.

2008 йил Гвинет Пэлтроу

Goop бренди тобора оммалашиб бормоқда. Бренд терини парвариш қилиш воситаларидан тортиб ҳаммом шарчаларигача бўлган маҳсулотни ўз ичига олади.

2009 йил Mирaнда Керр

Коrа Cosmetics Sephora’да яхши сотилаётгани билан собиқ Victoria’s Secret моделига муносиб даромад келтирмоқда.

2010 йил Жизел Бюндхен

Жизел 2010 йилда ўзининг Seeja бренди остида косметик воситаларни чиқарган. Лекин фаолият бир йилга ҳам бормаган.

2011 йил Сальма Хайек

Актриса яратган Nuance бренди олти ой давомида фақат Америка CVS тармоғида сотилган.

2012 йил Кардашьянлар оиласи

Ким, Хлои ва Кортни Кардашьян 2012 йилда Khroma Beauty номли косметика тармоғини ишга туширган. Унда косметикадан тортиб, терига мўлжалланган маҳсулотларгача бор эди, лекин қонуний лицензиялаш муаммолари туфайли маҳсулотлар дўконлардан олиб ташланган.

2013 йил Дрю Бэрримор

Дрю Бэрримор Flower Beauty дорихонаси брендига асос солган ва ишга туширилгандан буён ишлаб чиқариладиган маҳсулотлар тури кенгайган: ҳозирда бу бренд остида улар асосан соч турмаклаш воситаларини сотмоқда.

Тайра Бенкс

Tyra Beauty бренди 3 йилгина фаолият юритди, афсус.

Кайли Женнер

Бир қанча қийинчиликларга қарамай Kylie Cosmetics бренди бозорда яхши иш олиб бормоқда.

2015 йил Жессика Альба

The Honest Cо. бренди макияж ва терини парвариш қилиш маҳсулотларини арзон нархларда сотувга чиқарган ва улар америкалик ёшлар орасида жуда машҳур.

2015 йил Ева Мендес

Ева ўзининг Circa Beauty брендини жуда тез ишга туширган, лекин савдо жуда камлиги туфайли 2016 йилда компания ёпилган.

2017 йил Рианна

Оммавий бозор учун нисбатан юқори нархларга қарамай, Fenty Beauty жуда яхши фаолият олиб бормоқда.

2019 йил Леди Гага

Қўшиқчи томонидан асос солинган Haus Laboratories бренди бозорда дарров оммалашди, АҚШда ҳам жуда машҳур.

2020 йил Венус Уильямс

Теннис маликаси 2020 йил  қуёшдан ҳимоя қилувчи иккита кремни сотувга чиқарди. Спортчининг фаолияти муваффақиятли давом этмоқда.