Тошкент шаҳрида сўнгги кунларда оммалашиб кетган «Кальмар ўйини» сериали асосида ўтказилиши режалаштирилган квест ўйин қолдирилди.
Кўнгилочар ўйин Magic City боғида ўтказилиши керак эди. Браслет-чипталар учун пулни парк кассаларидан қайтиб олиш мумкин.
«Калмар ўйини» — Жанубий Кореянинг оммабоп сериали бўлиб, унда бош қаҳрамонлар катта миқдордаги пул учун охири ўлим билан тугаши мумкин бўлган хавфли ўйинларда иштирок этишга рози бўлади.
Тўққиз серияли фильм Netflix’да чиққач, дунёда қисқа фурсатда жуда оммалашиб кетди. Сериал қонли саҳналар кўп бўлгани учун дунё миқёсида катта танқидларга сабаб бўлган эди.
Изоҳ (0)