Instagram ижтимоий тармоғи компьютердан пост қўйиш ва фойдаланувчиларга биргаликда хабарларни бўлишиш имконини берадиган янги функцияларни қўшмоқда, деб хабар беради «Korrespondent.net».
Хусусан, Collabs функцияси икки фойдаланувчига биргаликда постлар эълон қилиш имконини беради. Ушбу постларга умумий изоҳ қолдириш мумкин, шунингдек, томоша қилинишлар ва лайклар сони ҳам умумий бўлади.
Бундан ташқари, фойдаланувчилар постларни компьютердаги браузер ёки мобил дастурдан фойдаланмаган ҳолда смартфондан эълон қилиши мумкин. Фойдаланувчилар фото ва давомийлиги бир дақиқадан ошмайдиган роликларни десктоп браузерлардаги веб-интерфейсга жойлай олади.
Шунингдек, Instagram’га TikTok’нинг муқобили бўлган Reels учун янги функциялар қўшилади. Улар орасида қўшиқларнинг 3Д матнлари ҳам мавжуд.
20 октябрдан бошлаб Instagram нотижорат ташкилотлари учун маблағ йиғишнинг янгича соддалаштирилган усулини тестдан ўтказишни бошлаган.
Аввалроқ Instagram ҳақоратли хабарларни автоматик яшириш функциясини ишга тушириши тўғрисида хабар берилганди.
Изоҳ (0)