Кира Найтли, Кара Делевин ва қошларини термасликни афзал биладиган бошқа юлдузлар (фото)

Қошларни ингичка қилиб тердириб юриш ўтмишда қолган. Бунинг ўрнига қалин ва табиий қошлар трендга кирган.

Наталья Кастеллер

Ёшлигида қалин ва узун қошлари сабаб атрофдагиларнинг кулгисига қолган Наталья ҳатто уларни қириб ташламоқчи ҳам бўлган. Аммо вақти келиб бирданига ҳаммаси ўзгарган. Бугунги кунда у кўплаб моделлик агентлари ва дизайнерлар билан ҳамкорлик қилади. Унга бўлган талабнинг юқорилигида қалин ва қора қошлари муҳим роль ўйнайди.

Кара Делевин

Кара қошларнинг қалинлиги жуда ҳам ажойиб эканини исботлашни уддасидан чиқа олган моделлардан саналади. Қошларининг ўзига хослиги билан кўпчиликни ўзига мафтун қилган Карани Карл Лагерфельд мода оламидаги энг гўзал қизлардан бири деб ҳисоблаган.

Лили Коллинз

Қалин қошлари билан фахрланадиган Лили стилистларнинг унга тегинишига изн бермайди. Қизиғи Twitter’да актрисанинг қошларига атаб очилган алоҳида саҳифа ҳам мавжуд.

Лурдес Мароя Чикконе-Леон

Лурдес Мароя Чикконе-Леонга қалин қошлар онаси Мадоннадан ўтган. Авваллари унинг табиий қошлари кулгига сабаб бўлган бўлса, бугунга келиб кўпчиликни ўзига мафтун қилади.

Кира Найтли

«Қандай қилиб қошларни Кира Найтлиникига ўхшатиш мумкин?» — Google’да қидирилган энг машҳур саволлардан ҳисобланади. Бу бекорга эмас, чунки дарҳақиқат қошлари ажойиб ва ўзига хос кўринади.

Эмма Уотсон

Эмма болалигида қошларининг қалин ва тартибсизлигидан кўп азият чеккан. Аммо кейинчалик фикрини ўзгартирган. Қошларини териш ўрнига уларга махсус восита билан урғу бера бошлаган.

София Вергара

Колумбиялик актриса София Вергарани аксарият ҳолларда италиялик Софи Лоренга ўхшатишади. Дарҳақиқат, уларда ўхшашлик бор: ҳар иккисининг қошлари жуда ҳам ажойиб кўринади.

Эмилия Кларк

«Тахтлар ўйини»даги бош қаҳрамон Эмилия Кларкнинг қошлари қалин ва тўқ жигарранг.