Ҳукумат қарори (633-сон, 11.10.2021-й.) билан Элдор Содиқович Йўлдошев Тошкент шаҳридаги «С.А.Герасимов номидаги Бутунроссия давлат кинематография институти» федерал давлат бюджети олий таълим муассасаси филиали директори вазифасини бажарувчи этиб тайинланди.
Эслатиб ўтамиз, мазкур филиал Президентнинг 2021 йил 28 августдаги қарори билан ташкил этилган.
Маълумот учун, филиалда таълим фаолияти 2021/2022-ўқув йилидан бошланади. Таълим жараёни Кинематография агентлиги билан келишган ҳолда БДКИ томонидан тасдиқланадиган ўқув режа ва дастурлар асосида рус тилида олиб борилади, шу билан бирга унда ўзбек тили ва Ўзбекистон тарихи ўқитилади.
Драматургия ва продюсерлик (турлари бўйича) филиалнинг асосий таълим йўналишлари ва мутахассисликлари ҳисобланади. Таълим кундузги, сиртқи шаклда ҳамда масофавий тарзда йўлга қўйилади.
Изоҳ (0)