Мансур Қиличев Ўзбекистоннинг Мисрдаги янги фавқулодда ва мухтор элчиси этиб тайинланди, дея хабар бермоқда Ташқи ишлар вазирлиги матбуот хизмати.
Маълум қилинишича, Мансур Қиличев Сенатнинг 2021 йил 8 октябрдаги тегишли қарорига мувофиқ Ўзбекистоннинг Мисрдаги фавқулодда ва мухтор элчиси этиб тайинланган.
Қайд этилишича, Мансур Қиличев дипломатия соҳасида 2002 йилдан буён ишлайди. У вазирлик марказий аппарати ва Ўзбекистоннинг хориждаги дипломатик ваколатхоналарида фаолият юритган. 2012–2013 йилларда Ўзбекистоннинг Саудия Арабистонидаги элчихонаси биринчи котиби бўлган.
Бундан ташқари, у 2013–2019 йилларда Ўзбекистоннинг Дубай шаҳридаги (Бирлашган Араб Амирликлари) бош консули бўлиб ишлаган. 2019–2020 йилларда эса Ўзбекистон Халқаро муносабатлар бўйича ахборот таҳлилий маркази директори ўринбосари — йиғма таҳлилий бўлим бошлиғи сифатида фаолият олиб борган.
2020 йилдан элчи лавозимига тайинлангунга қадар у Ташқи ишлар вазирлиги Консуллик-ҳуқуқий департаменти директори ўринбосари ҳисобланган. Мансур Қиличев инглиз, араб ва рус тилларини билади.
Изоҳ (0)