Вазирлар Маҳкамасининг «Истеъмол ва техник этил спирти, алкоголь ва тамаки маҳсулотлари муомаласини тартибга солиш соҳасидаги норматив-ҳуқуқий ҳужжатларни тасдиқлаш тўғрисида»ги қарорига кўра, Ўзбекистонда алкоголь ва тамаки маҳсулотларини ишлаб чиқариш устидан назорат кучайтирилади, деб хабар беради Normа.
Қарор билан қуйидагилар тасдиқланган:
- истеъмол ва техник этил спирти ҳамда алкоголь маҳсулотларини ишлаб чиқаришда ўлчов ускуналарини ҳамда ҳисобга олиш ахборот тизимига ахборот узатувчи бошқа қайд этиш воситаларини ўрнатишни назарда тутувчи низом;
- чакана савдо ҳамда умумий овқатланиш корхоналарида алкоголь ва тамаки маҳсулотларининг назорат хараидини амалга ошириш, уларнинг намуналарини синов лабораторияларида экспертизадан ўтказиш ва мазкур харажатларни молиялаштиришни назарда тутувчи низом.
- ўлчов воситаларини ўрнатиш;
- асосий технологик асбоб-ускуналарни ўлчаш воситалари билан жиҳозлаш схемаси;
- пломбалаш ва пломбаларни ечиш.
Ускуналар қонун ҳужжатларига мувофиқ ҳар икки йилда бир марта текширилади.
Ўлчов асбоблари билан жиҳозланган асосий технологик ускуналар агентликнинг ваколатли мансабдор шахси томонидан ташкилотнинг ваколатли вакили иштирокида муҳрланади. Муҳр тегишли акт билан тасдиқланади.
Аввалроқ «Янги Ўзбекистон» товар белгиси остида алкоголь ичимлик ишлаб чиқарилиши мумкинлиги тўғрисида хабар берилганди.
Изоҳ (0)