Британия дипломатлари Кобулда «Толибон» ҳукумати расмийлари билан учрашув ўтказди. Бу ҳақда Reuters хабар берди.
Буюк Британия Ташқи ишлар вазирлигининг маълум қилишича, Афғонистон бўйича махсус элчи Саймон Гасс ва Буюк Британия элчихонаси вакили Мартин Лонгден «Толибон» раҳбарлари билан учрашиб, Афғонистон гуманитар инқирозга қарши курашаётган бир пайтда, мамлакатга қандай ёрдам кераклигини муҳокама қилган.
Reuters хабарига кўра, музокаралар кучайиб бораётган гуманитар инқироз, хавфсизлик ва терроризм масалалари бўйича олиб борилган. Шунингдек, Буюк Британия ва Афғонистон фуқаролари учун хавфсиз ҳаракатланиш ва аёллар ҳуқуқлари масалалари ҳам муҳокама қилинган.
«Толибон» Ташқи ишлар вазирлиги матбуот котиби Абдуқаҳар Балхийнинг маълум қилишича, толиблар «конструктив муносабатлар» тарафдори, унинг қўшимча қилишича, «учрашув икки давлат ўртасидаги дипломатик алоқаларни тиклашнинг батафсил муҳокамасига бағишланганини».
«Бу музокараларнинг биринчи кунлари ва орамизда келишмовчиликлар бўлиши табиий ҳол. Бироқ олдинда Афғонистонни ҳеч қандай мураккаб вазифалар кутмаяпти» , — дейди Лонгден.
Аввалроқ Буюк Британия Афғонистондан эвакуация қилинган афғонларга ўз ҳудудида доимий яшаш ҳуқуқини бериши ҳақида хабар берилганди.
Мавзуга доир:
Изоҳ (0)