Беларусь президенти Александр Лукашенко CNN телеканалига берган интервьюсида беларуслик мухолифат вакили Светлана Тихановскаяни муҳокама қилишдан бош тортди, деб ёзади «ТАСС».
«Бу шуни англатадики, мен аёл кишининг табиати ҳақида гапирмайман. Мен аёллар билан тортишмайман ва унга баҳо беришни истамайман», — деди Лукашенко CNN мухбир Метю Ченсга.
Президентнинг таъкидлашича, мухолифат етакчиси — бу «маълум бир мамлакатда яшайдиган ва бошқача нуқтаи назарга эга шахс».
«Мен Беларусдаги бундай одамларни (мухолифатчилар) биламан. Улар сиз томонда ва сиздан пул олишади», — деди Лукашенко америкалик журналистга.
Беларусда 2020 йил 9 августда президент сайловлари бўлиб ўтди, Марказий сайлов комиссияси расмий маълумотларига кўра, унда амалдаги президент Александр Лукашенко ғалаба қозонган. Иккинчи ўринни мухолифатчи Светлана Тихановская эгаллади. У сайлов натижаларини тан олмади ва мамлакатни тарк этди. Овоз бериш натижалари эълон қилингандан сўнг республикада оммавий норозилик намойишлари бошланди, бу эса дастлабки кунларда ҳуқуқни муҳофаза қилиш органлари ходимлари билан тўқнашувларга олиб келди.
Июнь ойида Чехия парламенти Сенати Светлана Тихановскаяни Беларусь президенти деб тан олди.
Изоҳ (0)