Хоразмлик фуқаро ўз хонадонида истеъмолга яроқсиз 230 килограмм гўшт маҳсулотларини сақлаб келгани аниқланди, деб хабар беради Ветеринария ва чорвачиликни ривожлантириш давлат қўмитаси матбуот хизмати.
Маълум қилинишича, Давлат ветеринария хизматининг ИИБ Карантин бўлими ходимлари билан ҳамкорликдаги рейд тадбирлари ўтказилмоқда. Озиқ-овқат маҳсулотлари хавфсизлигини таъминлаш мақсадида ўтказилаётган тадбир доирасида Хоразм вилоятининг Хонқа туманида яшовчи фуқаронинг хонадони кўздан кечирилган.
Текширувлар давомида фуқаро келиб чиқиши номаълум бўлган жами 230 килограмм истеъмолга яроқсиз қорамол гўштини сақлаб келаётгани маълум бўлган.
Ушбу гўшт маҳсулотлари эскирган дея топилиб, белгиланган тартибда йўқ қилинган.
Аввалроқ Қашқадарёда Тошкентга олиб кетилаётган истеъмолга яроқсиз 200 кг гўшт аниқлангани, Тошкент вилоятидаги деҳқон бозорида истеъмолга яроқсиз 140 кг гўшт ва 30 литр сут йўқ қилингани, Бухородан Тошкентга келиб чиқиши номаълум бўлган 900 кг гўшт олиб кетилаётгани аниқлангани тўғрисида хабар берилганди.
Изоҳ (0)