Нидерландия ҳукумати мамлакат бош вазири вазифасини бажарувчи Марк Рютте гўёки Марокаш мафияси аъзолари томонидан кузатилганидан кейин уни қўриқлаш чораларини кучайтирди. Бу ҳақда маҳаллий De Telegraaf нашри ўз манбаларига асосланиб хабар берди.
Нашр суҳбатдошларининг таъкидлашича, ёлланма қотиллар ҳужумидан олдин зарур тафсилотларни тўплайдиган «кузатувчилар» Рюттенинг ортидан тушган бўлиши мумкин.
Аввалроқ бош вазир Гаага шаҳри бўйлаб велосипедда саёҳат қилган. Энди Қироллик ва Дипломатик Хавфсизлик ходимлари уни «қатъий» — «кўринарли ва кўринмас» хавфсизлик чоралари билан таъминлади, деб ёзади De Telegraaf.
Ҳукумат ахборот хизмати кўрилган чоралар ҳақида изоҳ беришдан бош тортди. «Биз хавфсизликнинг ҳозирги ҳолати ва уни таъминлаш учун кўрилган чоралар ҳақида ҳеч қачон баёнот бермаймиз», — деди хизмат вакили. De Telegraaf, шунингдек, Хавфсизлик ва терроризмга қарши кураш миллий координаторидан ҳам расмий изоҳ ололмади.
Нашрнинг таъкидлашича, Нидерландияда жиноятчилардан олинган аввалги хабарлар туфайли ҳукуматнинг мафиядан ҳимоя қилишига умид қилаётган «одамларнинг узун навбати» шаклланган. Улар орасида ҳуқуқшунослар, судьялар, адвокатлар, журналистлар ва уларнинг оила аъзолари бор. De Telegraaf’га интервью берган суд экспертлари мафия гуруҳлари жамиятни қўрқитишга ва беқарорлаштиришга интилаётганини қайд этди.
Экспертлар аввалроқ Нидерландияда адвокат Дарк Версум ва журналист Питер де Фризага ҳужум уюштирилганини эслатди. Журналистга ҳужумдан олдин ҳам таҳдидлар бўлиб турган.
Марк Рютте 2010 йилдан буён Нидерландия бош вазири лавозмини эгаллаб келади. 2021 йилда унинг партияси парламент сайловларида ғалаба қозонди.
Изоҳ (0)