Инсоният ядро қуроллари сабабли йўқ бўлиб кетиш ёқасида турибди. Бу ҳақда БМТ бош котиби Антонио Гутерриш Twitter’да маълум қилди, деб ёзади «РБК».
«Бутун дунёда 14 мингга яқин ядро қуроллари сақланади. Инсоният ҳамон ядровий қирилиб кетишга ўта яқин турибди. Ядровий зиддият булутларини тарқатиб юбориб, дунёдаги ядровий қурол-яроғларни йўқ қилиш, ишонч ва тинчликнинг янги даврини бошлаш вақти келди», — деб ёзди Гутерриш.
Ўз баёнотини Гутерриш 26 сентябрь куни нишонланадиган Халқаро ядро қуролини тўлиқ йўқ қилиш учун кураш кунига бағишлади. Россия, АҚШ, Буюк Британия, Франция, Хитой, Ҳиндистон, Покистон, КХДР ва Исроил ўз ядро қуролига эга.
Августда БМТ бош котиби янги қуролланиш пойгаси бошлангани юзасидан хавотир билдирганди. Шу муносабат билан у Россия ва АҚШнинг Стратегик ҳужум қуроллари бўйича шартноманинг амал қилиш муддатини узайтириш қарорини «узоқ кутилган» деб атади. Унинг сўзларига кўра, буни «ядро ҳалокати хавфини пасайтириш йўлидаги биринчи қадамлар» деб ҳисоблаш мумкин.
Изоҳ (0)