Футбол бўйича Англия Премьер Лигасининг 6-туридан ўрин олган бир қатор учрашувлар 25 сентябрь, шанба куни бўлиб ўтди.
«Челси» Лондонда «Манчестер Сити»ни қабул қилди. Учрашувнинг 53-дақиқасида Габриэль Жезус меҳмонларни ҳисобда олдинга олиб чиқди. Ушбу гол учрашувда ягоналигича қолди.
Қайд этиш керак, бу Томас Тухель шогирдлари учун мавсумдаги илк мағлубият бўлди.
Ушбу ғалабадан кейин «Манчестер Сити» 13 очко билан 2-ўринга чиқиб олди. «Челси»нинг ҳисобида ҳам шунча очко бор, жамоа 3-ўринда бормоқда.
«Манчестер Юнайтед» ўз уйида «Астон Вилла» билан кураш олиб борди. Учрашувнинг сўнгги дақиқаларида Кортни Ҳоз бурчакдан ошириб берилган тўпни голга айлантирди ва «Астон Вилла»ни ҳисобда олдинга чиқиб олди. 91-дақиқада ҳакам «Манчестер Юнайтед» фойдасига пенальти белгилади. Аммо Бруну Фернандеш бундан унумли фойдалана олмади. Шу тариқа «Астон Вилла» сенсацион тарзда Манчестер жамоаси устидан ғалаба қозонди.
«Манчестер Юнайтед» 13 очко билан 4-ўринни банд этиб турибди. «Астон Вилла» эса очколари сонини 10 тага етказди ва 7-ўринга кўтарилди.
АПЛ
6-тур баҳслари
25 сентябрь, шанба
«Челси» – «Манчестер Сити» 0:1
Гол: 0:1 — 53 Габриэль Жезус«Челси»: Менди, Жеймс (Тиаго Сильва, 29), Аспиликуэта, Рюдигер, Кристенсен, Алонсо, Ковачич, Жоржиньо (Лофтус-Чик, 76), Канте (Ҳаверц, 60), Лукаку, Вернер.
«Манчестер Сити»: Эдерсон, Уокер, Ляпорт, Рубен Диаш, Жоау Канселу, де Брюйне (Маҳрез, 81), Бернарду Сильва, Родри, Грилиш (Стерлинг, 87), Фоден (Фернандиньо, 87), Габриэль Жезус.
Огоҳлантиришлар: Ляпорт (65), Алонсо (77), Кристенсен (78), Рюдигер (84), Рубен Диаш (90).
«Манчестер Юнайтед» – «Астон Вилла» 0:1
Гол: 0:1 — 88 Ҳоз«Манчестер Юнайтед»: Де Хеа, Уан-Биссака, Варан, Магуайр (Линдельоф, 67), Шоу (Диогу Далот, 34), Погба, Фред, Бруну Фернандеш, Мактоминай (Кавани, 82), Роналду, Гринвуд.
«Астон Вилла»: Мартинес, Ҳоз, Мингз, Конса, Таргетт, Кеш, Макгинн, Дуглас Луис, Рэмзи (Арчер, 86), Ингз (Буэндиа, 78), Уоткинс.
Огоҳлантиришлар: Шоу (29), Макгинн (66), Фред (77), Кеш (90).
Изоҳ (0)