«Маҳаллаларда жамоат тартибини сақлаш бўйича қўшимча чора-тадбирлар тўғрисида»ги ҳукумат қарори қабул қилинди, деб хабар беради Telegram’даги «Ҳуқуқий ахборот» канали.
Қарорга кўра, 2021 йил 1 октябрдан 2022 йил 1 октябргача маҳаллаларда барпо этилган айрим «Жамоатчилик назорати масканлари» негизида «Электрон кузатув масканлари» фаолиятини ташкил этиш бўйича эксперимент ўтказилади.
Эксперимент доирасида:
- тадбиркорларга бериладиган масканлар ва уларнинг бинолари атрофида 6 квадрат метргача «Электрон кузатув масканлари» жойлаштирилади, қолгани тадбиркорлик учун 5 йил муддатга ижаранинг «ноль» ставкаси асосида берилади;
- масканлар ижара шартномаси асосида бериладиган тадбиркорлар E-auksion платформасида электрон танлов ўтказиш орқали аниқланади;
- ижара муддати тугагандан сўнг масканларнинг бинолари маҳаллага мулк ҳуқуқи асосида қолдирилади.
Эслатиб ўтамиз, 2020 йилнинг январида «Қўйлиқ» деҳқон бозорида жамоатчилик назорати штаби ташкил этилиб, бозорга кириш-чиқишда юзни танишга қодир учта интеллектуал камера ўрнатилгани тўғрисида хабар берилганди.
Изоҳ (0)