Андижонда юк машинаси ва 5 та енгил автомобиль иштирокида ЙТҲ юз берди. Бир киши вафот этди

Андижон вилоятининг Олтинкўл туманида 6 та автомобиль иштирокида ЙТҲ содир бўлди. Бу ҳақда ЙҲХББ матбуот хизмати хабар берди.

Қайд этилишича, 18 сентябрь куни соат 18:05 ларда туманнинг «Кўмакай» МФЙ ҳудудидан ўтувчи 4Р130 автомобиль йўлининг 6-километрида қуйидаги автомобиллар иштирокида ЙТҲ содир бўлган.

• 1989 йилда туғилган Ғ.А. бошқарувидаги Dongfeng юк машинаси;
• 1992 йилда туғилган Б.Ю. бошқарувидаги Damas;
• 1973 йилда туғилган Ш.М. бошқарувидаги Damas;
• 1958 йилда туғилган М.А. бошқарувидаги Nexia;
• 1958 йилда туғилган М.Ж. бошқарувидаги Matiz;
• 2000 йилда туғилган Х.А. бошқарувидаги Damas.

Қайд этилишича, мазкур ЙТҲ юзасидан Олтинкўл тумани ИИБ ТБ томонидан терговга қадар текширув ҳаракатлари олиб борилмоқда. Хабарда автоҳалокатнинг бошқа тафсилотлари келтирилмаган.