Вазн ташлаш учун қандай маҳсулотлар рационда бўлмаслиги ёки миқдорини қисқартириш кераклиги ҳақида маълумот бериб ўтамиз.
Сабзи
Ранги ва таъми ўзига хос бўлгани билан, таркибида сахароза бисёр бўлгани учун ушбу сабзавот меъёрида истеъмол қилинмаса, қоматга таъсир қилмай қолмайди. Шу сабаб ҳам сабзини кун давомида бир ёки икки донадан кўпроқ истеъмол қилиш тавсия қилинмайди.
Бодринг
Бодрингнинг ўзи одамни семиртирмайди. Таркибида сув сероб экани ва организмдаги намлик балансини сақлаб, сувсизланишнинг олдини олгани сабаб ушбу маҳсулот саломатлик учун муҳим саналади. Клетчаткага бой экани ҳисобига тез ҳазм бўлади ва ундан кейин одам дарҳол бирор нарса ейишни истайди.
Лавлаги
Мазали ва фойдали эканига қарамай, лавлаги крахмал, шакар ва углеводнинг кони ҳисобланади. Шу сабаб ҳам ушбу маҳсулотни истеъмол қилишда энг аввал қандли диабетдан азият чекадиган кишилар меъёрни билиши керак. Гап шундаки, ушбу маҳсулот қонда глюкозанинг кўпайишига олиб келиши мумкин. Аммо саломатлигида ҳеч қандай муаммоси йўқларга ҳам уни ортиқча истеъмол қилмаслик тавсия қилинади. Тадқиқотлардан бирида лавлаги вазн ташлаш эмас, балки ортишига ҳисса қўшиши аниқланган.
Нўхат
Ушбу маҳсулотнинг ҳам калорияси кўп. Клетчаткага бой бўлган нўхатда, шунингдек, крахмал ва бошқа озуқавий моддалар мужассам бўлади. Бу эса белда ёғ тўпланишига олиб келади. Шу сабаб ҳам истеъмол борасида эътиборли бўлиш ҳамда тийилиш керак.
Жўхори
Қондаги қанд миқдори билан боғлиқ муаммо бўлса ёки озмоқчи бўлсангиз, жўхоридан буткул воз кечиш тавсия қилинади. Гап шундаки, ушбу маҳсулотда қондаги қанд миқдори ва организмдаги инсулинни оширадиган шакар бисёр.
Изоҳ (0)