Орзулар рўёби: Мухлисига кўнгил қўйган юлдузлар (фото)

Бахтини мухлислари орасидан топган шоу-бизнес вакиллари ҳақида маълумот бериб ўтамиз.

Лиам Пейн ва Майя Генри

2015 йилда машҳурликнинг чўққисида бўлган One Direction Нью-Йоркда мухлислари билан учрашган. Ташриф буюрганлар орасида адвокат ва мультимиллионер Томас Дж Генрининг 14 яшар қизи Майя Генри ҳам бўлган. Қиз севимли юлдузлари билан шунчаки суҳбатлашмаган, балки бирга суратга ҳам тушган. Гуруҳ солисти ва Майя ўртасида ўша вақт севги алангаси учқун олган ёки йўқлиги мавҳум, бироқ кейинчалик уларнинг ҳар иккиси ҳам ўз йўлидан кетишга қарор қилган. Қиз модель сифатида ўзини синаб кўришни истаган, мусиқачи эса поп йўналишида ижод қиладиган Шерил Коул билан 2018 йилга қадар учрашган. Орадан бир йил ўтиб Майя ва Генрининг биргаликдаги суратлари тарқалган, жуфтликнинг ўзи эса кейинчалик ўртасида муносабат борлигини тасдиқлаган. 2020 йилдаги локдаун вақтида эса Лиам Майанинг қўлини сўраган. Хонанда 3 миллион доллар турадиган қимматбаҳо узук совға қилган. Шунга қарамай, 2021 йилда жуфтлик айрилишга қарор қилганини маълум қилган. Лиам Стив Бартлеттнинг подкастида ўзини бу борада айбдор ҳис қилишини маълум қилган. Бир муддатдан кейин айрим манбалар Лиам ва Майяни топишиб олганини маълум қилган. Шундан кейин улар кўплаб тадбир ва маросимларга бирга ташриф буюра бошлаган.

Метю Льюис ва Анжела Жонс

Актёр «Гарри Поттер»да Невил Долгопупс роли билан машҳурликка эришган. 2016 йилнинг бошида Метю Льюис Universal Studios Orlando компанияси томонидан ташкиллаштирилган дунё бўйлаб ўтказиладиган тадбирда иштирок этиш учун таклиф қилинган. Уни компания ходими Анжела Жонс кутиб олган. Қизга бир кўришда ошиқ бўлган Метю, 2016 йил Парижда унинг қўлини сўраган. Жуфтлик 2018 йил Италиянинг Портофино шаҳрида турмуш қурган.

Жон Траволта ва Келли Престон

1978 йилда «Бриолин» киномюзиклининг премьераси бўлган. Кўчада фильмнинг постерига кўзи тушган 16 яшар Келли, ундаги Жон Траволтани бир кўришда ёқтириб қолган. Кинотеатрдан қайтиб чиқаётганида эса дугоналарига вақт соати келиб, бош қаҳрамон ижрочисига турмушга чиқишини айтган. Бунга жавобан кулган қизлар, унинг гапини жиддий қабул қилмаган. 1989 йилда Келли «Экспертлар» фильмида болалигидаги кумири Жон Траволта билан суратга тушган. Улар ўртасида муносабатлар бир неча йилдан сўнг, ҳар иккиси жуфти билан хайрлашганидан кейингина бошланган. 1991 йилда турмуш қурган Жон ва Келли орадан бир йил ўтиб фарзандли бўлган. Афсуски ўғли Престонга кам учрайдиган Кавасаки касаллиги ташхиси қўйилган. Аммо ота-онасининг уринишлари билан боланинг жисмоний аҳволи барқарор бўлиб қолган. Кейинроқ эса Элла ва Бенжамин исмли бошқа фарзандлари дунёга келган. Голливуднинг энг бахтли жуфтликлари ҳисобланган Келли ва Жон, барча қийинчилик ва тақдир зарбаларини биргаликда енгиб келган (2009 йилда тўнғич фарзанди Престон вафот этган). Келлида саратон ташхиси қўйилганида Жон унга касалликни енгишга ёрдам бериш учун қўлидан келганча ҳаракат қилган. Аммо рафиқаси 2020 йил 13 июнда ҳаётдан кўз юмган.

Шаҳзода Уильям ва Кейт Миддлтон

Кейт болалигиданоқ шаҳзода Уильямга мухлис бўлган. «Кейт: бўлажак қиролича» китоби устида ишлаш жараёнида Кети Николл Кембриж герцогинясининг Жессика Ҳей мактабидаги собиқ синфдоши билан суҳбатлашган. Унинг айтишича, ётоқхонадаги Кейтнинг каравоти ёнидаги девор келишган шаҳзоданинг сурати билан безалган бўлган. Кейт ҳар гал Уильямдан яхшироғи йўқ деб ҳазиллашган. Шунга қарамай, Кейт биографиясидаги мазкур фактни доим инкор қилган. Шунингдек, интервьюсида ётоқхона деворида Уильям эмас, Levi’s брендининг реклама постери осилганини таъкидлаган. Шу сўзлардан кейин Уильям унга қараб юзида табассум билан: «Деворда менинг 10 ёки 20 та суратим осилган бўлган», — деган. Кейт буни инкор қилган. «У Levi’s кийимидаги мен эдим деган», — деб давом эттирган Уильям.

Стив Харви ва Марджори Бриджес

1987 йилда аллақачон машҳур комик ҳисобланган Стив Мемфисга стендап-шоу учун ташриф буюрган. Бир вақт залга кечикиб мода бўйича мутахассис ва тадбиркор Маржори Брижес кириб келган. Бир кўришида гўзаллигига мафтун бўлган Стив бир муддат танаффусдан кейин «Бу аёл кимлиги менга қоронғи, аммо мен унга, албатта, уйланаман», — деган. Ташриф буюрганлар буни комикнинг навбатдаги ҳазили деб ўйлаган. Тадбир тугаганидан кейин уни учрашувга таклиф қилган. Улар бир неча марта учрашган кейинчалик ўзи билан овора бўлиб кетган. 2005 йилда қайта топишиб олган жуфтлик орадан икки йил ўтиб турмуш қурган. Уларнинг айтишича, йиллар ўтиши билан ўрталаридаги муҳаббат янада мустаҳкамланмоқда.

Билли Жо Армстронг ва Адриэнн Нессер

1990 йилда фаолиятини бошлаган «Green day» гуруҳи танилиш учун унча катта бўлмаган зиёфатлар ҳамда катта клубларда чиқишга розилик берган. Шундай кичик концертлардан бирига ташриф буюрган 21 яшар Адриэнн Нессер, уларнинг ижодига маҳлиё бўлиб эртаси куни ҳам келишга қарор қилган. Шундан кейин гуруҳ аъзоси Билли билан танишган. Бир-бирига кўнгил қўйган йигит ва қиз учрашишга қарор қилган. Аммо Биллининг Калифорния, Нессернинг Миннесотда яшаши муносабатларда қийинчиликлар келтириб чиқарган. Ижодкор қизни ўзиникига кўчиб ўтиши учун унинг қўлини сўраши кераклигини тушуниб етган. Жуфтлик 1994 йилда турмуш қурган. «Адриэннда эски либос бўлган ва биз уйимнинг орқа ҳовлисида нишонлаганмиз», — деб эслаган мусиқачи. Турмуш қурганига 27 бўлган Билли ва Адриэннинг икки нафар фарзанди бор.