Супермодель Наоми Кэмпбелл камдан кам ҳолларда шахсий ҳаёти тафсилотлари билан бўлишади. Маълум бўлишича, Наоми яқинда она бўлган, аммо ҳали ҳам қизининг юзини, ҳатто исмини ҳам ошкор қилмаган.
Модель The Cut нашрига берган интервьюсида ўзининг карьераси, яқинлари билан бўлган муносабатлари, шон-шуҳрат йўлида бошидан кечирган қийинчиликлари ва оналик ҳақида гапириб берди:
«Мен карьера учун муҳаббатимни қурбон қилдим. Афсуски, мени тушунадиган умр йўлдошини топмадим. Биласизми, мен жуда кучлиман, лекин айни пайтда ўта таъсирчанман ҳам. Биламан, бу каби муносабатларда муроса қилиш керак», — дейди модель. У, шунингдек, ўзининг олдинги қўрқувларини енгишга муваффақ бўлганини ва кучли бўлишга интилаётганини айтиб ўтган.
«Энди эса ўзимга кўзгудан қараш қийин эмас. Ёшлигимда ҳар доим ҳам ўзимни тўғри тутмаганман. Шунинг учун ҳам кўп нарсани ўрганишимга тўғри келди», — дейди юлдуз. Шунингдек, у ҳозирда атрофида меҳрибон одамлар билан қуршалганини, шу жумладан, онаси ҳам унга суррогат онадан туғилган қизини тарбиялашда ёрдам бераётганини маълум қилди.
Изоҳ (0)