Ўзбекистоннинг Грузиядаги элчиси этиб тайинланган Баҳром Ашрафхонов мамлакат президенти Саломе Зурабишвилига ишонч ёрлиқларини топширди. Бу ҳақда Ташқи ишлар вазирлиги хабар қилди.
Суҳбат чоғида Грузия президенти Саломе Зурабишвили Ўзбекистон Президенти Шавкат Мирзиёевга энг яхши тилаклари ва ниятларини етказишни сўради.
Бундан аввал Баҳром Ашрафхонов Ўзбекистон молия вазирининг ўринбосари, Пенсия жамғармасининг ижро этувчи директори, 2020 йилдан бошлаб Ўзбекистоннинг Озарбайжондаги элчиси лавозимида ишлаб келаётган эди.
Изоҳ (0)