Олий Мажлиси Қонунчилик палатаси спикерининг ўринбосари, «Миллий тикланиш» демократик партиясидан президентликка номзод Алишер Қодиров Ўзбекистонга ҳурматсизлик қилганлар учун санкциялар жорий қилиш ҳақида ўйлаб кўриш кераклигини маълум қилди.
Уинстон Черчилль ‘...акиллаган лайчаларнинг ҳаммасига тош отаверсанг, манзилингга етиб боришинг қийинлашади’, деганида Жириновскийга ўхшаганларни назарда тутган бўлса керак. Черчиллнинг доно ўгитига қулоқ тутиб, бу шахснинг сўзларига эътибор бермасдан ўтиб кетиш тўғри бўлар эди, лекин қисқача фикримни билдириб қўйиш зарар қилмайди, деб ўйладим:Россия Либерал-демократик партияси етакчиси Владимир Жириновскийнинг фикрича, Марказий Осиё мамлакатлари ўз халқини Афғонистондаги жангарилар ҳужумидан ҳимоя қилиш учун Россия таркибига кириши керак бўлади. Сиёсатчининг сўзларига кўра, Россия таркибида Душанбе, Бишкек, Тошкент, Ашхобод ва Чимкент губерниялари ташкил этилиши лозим.Биринчидан, Жириновскийнинг бу баёнотлари, ҳатто норасмий бўлса ҳам, Россиянинг халқаро обрўсига зарар беради. Россиянинг кам сонли ҳамкор мамлакатлари учун ҳам ривожланган дунё каби, Россия босқинчи ва иккиюзламачи давлат дея хавотирланишларига йўл очади;
Иккинчидан, бугунги Россия Рус империясини тиклаш, бошқа ҳудудларни қўшиб олиш ҳақида эмас, тарқалиб кетмаслик ҳақида кўпроқ бош қотиряпти. Шу сабабли, Жириновскийнинг бундай алжирашларига рус расмий доиралари биринчи бўлиб муносабат билдиришлари керак, деб ўйлайман;
Учинчидан, сўнгги вақтларда Россиядаги расмий доиралар Марказий Осиёда маҳаллий русларга ҳурматсизлик қилинаётгани сабаб алоҳида субъектларга санкциялар қўллашмоқда. Лекин бошқа миллатларга ҳурматсизлик қилаётган ўз расмийларига нисбатан овоз ҳам чиқармаяптилар. Бу иккиюзламачилик эмасми?
Марказий Осиёда яшаётган рус ватандошларимизнинг маҳаллий аҳоли билан муносабати бузилишига айнан шу каби калтабин баёнотлар сабаб бўлмоқда.
Менимча, биз ҳам мамлакатимизга ҳурматсизлик қилганлар учун санкциялар жорий қилиш ҳақида ўйлаб кўришимиз керак.
Алишер Қодиров, Қонунчилик палатаси спикерининг ўринбосари
Аввалроқ Алишер Қодиров ўзбек оилалари фарзанларини рус мактабларига бераётгани сабаб болалар ўзбек тилини билмай ва миллий ўзига хослигини агламай улғаяётганидан хавотирда эканини ёзиб қолдирганди.
Олий Мажлис Қонунчилик палатасининг 20 апрель куни ўтказилган навбатдаги мажлисида депутатлар «‘Ўзбекистон Республикасининг давлат тили ҳақида’ги қонунига ўзгартиш ва қўшимчалар киритиш тўғрисида»ги қонун лойиҳасини бобма-боб, моддама-модда кўриб чиққан. Алишер Қодировнинг сўзларига кўра, қонун лойиҳаси муҳокамасида «ХДПнинг советча қарашлари ва ‘Миллий тикланишъни азалдан жини суймайдиганлар билан қонунга жиддий эътибор бермаётганларнинг кайфиятлари» устуворлик қилган.
Изоҳ (0)