Юз терисига ҳар куни турли омиллар таъсир қилади: шамол, қуёш нурлари, ёмғир, совуқ. Унинг ҳолатига нафақат ташқи, балки ички омиллар ҳам таъсир ўтказади, масалан, гормонлар ҳолати ёки сурункали касалликларнинг кучайиши. Тўғри парвариш қилиш терини узоқ вақт давомида соғлом, таранг ва ёрқин қилади.
Ҳар қандай ёшда терига ғамхўрлик қилиш жуда муҳимдир. Агар ёшлик даврида ҳуснбузар ва ортиқча ёғли терига қарши кураш биринчи ўринга чиқса, ёш ўтган сари терининг таранглигини сақлаш, ажин ва доғлар пайдо бўлишининг олдини олиш муҳимроқ саналади.
Оддий намлантириш ва тозалаш борган сари етарли бўлмайди. Мунтазам пилинг процедурасига терининг янгиланишига ёрдам беради, унга порлоқ ва соғлом ранг беради.
Косметика ва махсус процедуралар терининг эластик ва таранг бўлишига ёрдам бериш учун муҳим аҳамият касб этмоқда. Коллаген оқсили тери ранги учун жавобгардир. Агар ёшликда у етарлича ишлаб чиқарилса, тери эластик ва таранг бўлса, ёш ўтиши билан коллаген камроқ синтезланади. Унинг ишлаб чиқарилиши 25 ёшдан кейин секинлашади. Тери эса қўшимча ёрдамга муҳтож. 30 ёшдан кейин нафақат махсус косметика воситаларидан фойдаланиш, балки тўғри овқатланиш ва терини парвариш қилиш ҳам муҳим.
Қаришга қарши кремдан фойдаланинг
Нафақага ҳали анча вақт борлигига қарамай, қаришга қарши крем сотиб олиб, уни кўрсатмаларга мувофиқ ишлатишни бошлаш керак. Унинг таркибида антиоксидантлар ва бошқа фойдали таркибий қисмлар мавжуд бўлиб, улар қаришнинг дастлабки белгилари билан курашади, бу терини ёшроқ, эластик ва порлоқ бўлишини таъминлайди.
Қуёшдан ҳимояловчи кремни унутманг
Қуёшдан ҳимояланиш нафақат пляж учун, СПФ фильтрини ўз ичига олган крем, балки мавсум қандай бўлишидан қатъи назар энг керакли нарса. Бундай кремдан фойдаланиш ажинлар ва доғлар пайдо бўлишининг олдини олишга ёрдам беради, бундан ташқари, у меланома профилактикасида муҳим рол ўйнайди.
Терига ички томондан ғамхўрлик қилинг
Махсус витамин ва минерал комплекслар, фойдали ичимликлар қабул қилиш терининг эластиклигини узоқроқ сақлашга ёрдам беради. У витамин, минераллар ва ўсимлик таркибий қисмларини ўз ичига олади, терининг саломатлиги ва гўзаллигини сақлашга қаратилган метаболик жараёнларни оптималлаштиришга ёрдам беради. Комплекс таркибидаги коллаген пептидлари ажинлар чуқурлигини камайтиради ва терининг эластиклигини оширади. Шунингдек, улар танадан осонгина сўрилади, терининг чуқур қатламларида фибробластлар билан ўзаро таъсирлашади. Шу билан гиалурон кислотаси ва тананинг эндоген коллагенини ишлаб чиқаришини рағбатлантиради.
Тўғри овқатланинг
Маълум бир вазнга эришиш учун айрим маҳсулотлар чекланса ҳам диетада углевод, оқсил ва ёғлар бўлиши керак. Бу терининг саломатлиги учун жуда муҳимдир. Ёғ етишмаслиги терининг эластиклигини йўқотади ва ажинлар пайдо бўлишига олиб келади.
Меъёрида ухланг
Ҳаётнинг учдан бир қисми уйқуда ўтишига қарамай, бу рақамни камайтиришга интилишнинг ҳожати йўқ. Ўртача уйқу тахминан 7 соат бўлиши керак. Олимлар аниқладиларки, жуда қисқа ва узоқ уйқу саломатликка, айниқса, терининг ҳолатига ёмон таъсир қилади.
Уйқусизлик дарҳол сезилади: кўз остидаги қора доиралар, хира тери, ажинлар, носоғлом ранг. Бутун ҳафта давомида дам олиш кунларигина ухлаш фойда бермайди, келаси кун учун ҳам ухлаш ҳам мумкин эмас, буларнинг ҳаммаси илмий жиҳатдан исботланган. Шунинг учун махсус режим ўрнатиб, қатъий белгиланган вақтда ётишга ҳаракат қилиш керак.
Албатта, терининг ҳолати кўп омилларга, шу жумладан, генетик омилларга боғлиқ. Аммо терининг соғлом, эластик, чиройли ва ёрқинроқ бўлиши учун уни керагича парваришлаш ва ғамхўрлик билан таъминлаш ҳар кимнинг ўз қўлида.
Изоҳ (0)