«Ҳамкорбанк» акциядорлик тижорат банки бугунги кунда 1 миллион 600 мингдан ортиқ жисмоний шахсларга ҳамда 40 мингга яқин юридик мижозларга сифатли хизмат кўрсатиб келмоқда. Бу ҳақда 27 август куни, чет эл капитали иштирокидаги «Ҳамкорбанк» акциядорлик тижорат банки ташкил этилганлигининг 30 йиллиги муносабати билан бўлиб ўтган матбуот анжуманида маълум қилинди.
Маълумот учун
«Ҳамкорбанк» акциядорлик тижорат банки 30 йил аввал, айни Ўзбекистон Республикаси мустақиллиги эълон қилинган санада — 1991 йилнинг 31 август куни Андижон шаҳрида ташкил топган. Дастлаб банк «Андижонбанк» деб номланган ва баъзи сабабларга кўра, 2000 йилга келиб ребрендинг қилинган. Айнан шу йили республикада биринчилардан бўлиб, халқаро стандартлар асосида банк тизимида аудит ўтказган.
Анжуманда таъкидланишича, «Ҳамкорбанк» 30 йил давомида тезкор суръатлар билан ўсиш ҳисобига банк тизимидаги ўз ўрнини доимий мустаҳкамлашга эришган. Барча кўрсаткичлар бўйича «Ҳамкорбанк» мамлакатимизнинг Топ-10 банклар қаторига кирувчи, давлат улуши бўлмаган банкдир. Банк активлари охирги 5 йилда 2,8 баробарга, кредит портфелининг салмоғи 3,4 баробарга, депозит портфелининг салмоғи 1,4 баробарга, банк капиталининг салмоғи эса 3,8 баробарга ўсган.
«Ҳамкорбанк» АТБ бошқарув раиси ўринбосари Жасурбек Ҳасановнинг маълум қилишича, банкнинг халқаро молия бозорида тан олиниши жуда муҳим аҳамиятга эга.
«Асосий мақсад — халқаро миқёсда фаолият олиб борувчи нуфузли молия институтларига банк очиқлигини намоён этиш ва шу орқали уларни жалб қилиш. Жумладан, 2001 йили Халқаро молия корпорацияси (IFC) ‘Ҳамкорбанк’га давлат кафолатисиз кредит линиясини тақдим этди. Ушбу кредит линия маблағлари хусусий секторни ривожлантириш ва кичик бизнесни қўллаб-қувватлашга йўналтирилди. IFC билан намунали ҳамкорлик кўплаб бошқа нуфузли халқаро молия институтларининг банкка бўлган ишончини мустаҳкамлади. Натижада ўша йилнинг ўзида Жаҳон банки ҳамда Европа тикланиш ва тараққиёт банки билан ҳамкорлик йўлга қўйилди. Бугунги кунга келиб, банк йигирмага яқин халқаро молия институтлари ва тўлов тизимлари билан ўзаро манфаатли ҳамкорликни амалга ошириб келмоқда», — дейди Жасурбек Ҳасанов.
Унинг қўшимча қилишича, «Ҳамкорбанк» келгуси 5 йилликда рақамли банк хизматларини жорий қилиш бўйича муҳим қадамларни ташлайди.
«Бу орқали республика чакана банк хизматлари бозорини ривожлантириш, банк офислари тармоқлари ва бизнес жараёнлари оптималлаштирилади. Натижада банк фаолиятининг самарадорлиги янада ошади ҳамда мижозларга хизмат кўрсатиш сифати янги босқичга олиб чиқилади», — деди «Ҳамкорбанк» АТБ бошқарув раиси ўринбосари.
«Ҳамкорбанк» 30 йил давомида ўз тармоқларини республика ҳудудлари бўйича кенгайтириш билан бирга ўз жамоасини ҳам кенгайтирди. Фаолиятини 15 киши билан бошлаган банкда бугунга келиб, республика бўйлаб банк офисларида 3 минг 350 нафар ходим самарали меҳнат қилмоқда.
Банк республиканинг барча худудларида фаолият юритаётган 46 та филиалига, шунингдек, мижозларга янада яқинроқ бўлиш мақсадида республиканинг чекка шаҳар ва туманларида ҳам 100 дан ортиқ банк хизматлари офисларига эга. Шу билан бирга, банк бўлинмаларида ҳамда республика шаҳар марказларининг аҳоли гавжум жойларида 130 дан ортиқ, 24/7 режимида ўз-ўзига хизмат кўрсатиш шохобчалари фаолият юритмоқда. Айнан банкнинг 30 йиллиги арафасида, сентябрь ойида 47-филиал — Миробод филиали ўз фаолиятини бошлайди.
Реклама ҳуқуқи асосида.
Изоҳ (0)